📌 ისლამის რელიგია სრულყოფილია და არ საჭიროებს არანაირ დამატებას.

ალლაჰის, მოწყალისა და ყოვლადმოწყალის, სახელით

ყურანისა და სუნნეთის ნათელი მტკიცებულებები იმის შესახებ, რომ ისლამის რელიგია სრულყოფილია და არ საჭიროებს არანაირ დამატებას
ყოვლისშემძლე ალლაჰმა ასევე თქვა: „დღეს მე სრულვყავი თქვენთვის თქვენი რელიგია, სრულად მოვიყვანე თქვენზე ჩემი წყალობა და თქვენთვის რელიგიად ისლამი ავირჩიე.“ ალ-მაიდა, 5:3).

იბნ ‘აბბასმა (ალლაჰი იყოს მისით კმაყოფილი ამ აიათთან დაკავშირებით თქვა: „ალლაჰმა აუწყა თავის შუამავალებს და მორწმუნეებს, რომ მან მათთვის სრულყოფილებამდე მიიყვანა რწმენა და რომ მათ არასოდეს დასჭირდებათ რელიგიაში რამის დამატება. ალლაჰმა დაასრულა რწმენა და მასში ნაკლოვანება აღარ იქნება. მან ის მოიწონა და არასოდეს იქნება უკმაყოფილო მისით.“ იხ. „თაფსირ ათ-თაბარი“, 9/518; „თაფსირ იბნ ქასირ“, 2/12.

იმამმა აზ-ზაჰაბიმ თქვა: „ყველაფერი, რაც ამ აიათის გარდმოვლენის შემდეგ რელიგიაში იქნა შეტანილი, არის არასაჭირო რამ, დამატება და სიახლე!“ იხ. „ას-სიიარ“, 18/509.

იბნ მაჯიშუნიმ გადმოსა, რომ იმამ მალიქმა თქვა: „ვინც ისლამში შეიტანა სიახლე და მას კარგ საქმედ მიიჩნევს, ის ამტკიცებს, რომ მუჰამმადმა ﷺ გზავნილი არ გადასცა, მაშინ როცა ალლაჰი ამბობს: „დღეს მე სრულვყავი თქვენთვის თქვენი რელიგია“. და ის, რაც მაშინ რელიგია არ იყო, დღესაც რელიგია ვერ იქნება!“ იხ. „თაჰზიბ ალ-ფურუყ“, 4/225; „ალ-ი‘თისამ“, 1/64.

რა მარტივი და ბრძნული სიტყვებია იმამ მალიქის!

იმამმა აშ-შავქანიმ თქვა: „თუ ალლაჰმა სრულყოფილებამდე მიიყვანა თავისი რელიგია მანამ, სანამ თავის შუამავალს ﷺ წაიყვანდა, მაშინ რა არის ეს შეხედულებები, რომლებიც თქვენ რელიგიაში მისი სრულყოფის შემდეგ შეიტანეთ?! თუ თქვენ დარწმუნებული ხართ, რომ ეს თქვენ მიერ დამატებული საქმეებიც რელიგიის ნაწილია, მაშინ თქვენი აზრით გამოდის, რომ ეს რელიგია არასრულყოფილია, ხოლო ამას ყურანი უარყოფს: „დღეს მე სრულვყავი თქვენთვის თქვენი რელიგია, სრულად მოვიყვანე თქვენზე ჩემი წყალობა და თქვენთვის რელიგიად ისლამი ავირჩიე“ ალ-მაიდა, 5:3. ხოლო თუ ეს დამატებული საქმეები რელიგიის ნაწილი არ არის, მაშინ რა სარგებელია იმით დაკავება, რაც რელიგიისგან არ არის?! ეს აიათი არის უდიდესი არგუმენტი და ძლიერი მტკიცებულება, რომლის გვერდის ავლაც საკუთარი შეხედულებების მიმდევრებს არ შეუძლიათ. ამიტომ, ეს აიათი გახადე პირველი რამ, რასაც საკუთარი შეხედულებების მიმდევრებს წინ დაუდებ!“ იხ. „ალ-ქაული ალ-მუფიდ“, 38.

ალ-‘ირბად იბნ სარიასგან ალლაჰი იყოს მისით კმაყოფილი გადმოცემულია, რომ ალლაჰის მოციქულმა ﷺ თქვა: „მე დაგტოვეთ ნათელ გზაზე, რომლის ღამეც მის დღეს ჰგავს და რომლისგანაც ჩემს შემდეგ ვერავინ გადაუხვევს, გარდა დაღუპულისა!“ აჰმადი, 4/126; იბნ მაჯა, 43. ჰადისის სანდოობა დაადასტურეს იმამმა ალ-ბაზზარმა, იმამმა აბუ ნუ‘აიმმა, იმამმა ალ-ბაღავიმ, ჰაფიზმა იბნ ‘აბდულ-ბარრმა, იმამმა ად-დია ალ-მაქდისიმ, ჰაფიზმა იბნ ქასირმა და შეიხმა ალ-ალბანიმ.

ეს ჰადისი მიუთითებს იმაზე, რომ გზა, რომელზეც ალლაჰის მოციქულმა ﷺ დატოვა თავისი თემი, არის ნათელი და არ საჭიროებს რაიმეს დამატებას.

ჰუზაიფამ ალლაჰი იყოს მისით კმაყოფილი თქვა: „ერთხელ შუამავალმა ﷺ ქადაგება წარმოთქვა ჩვენთვის, რომელშიც გვიამბო ყველაფერი, რაც განკითხვის დღის დადგომამდე მოხდებოდა და არაფერი გამოტოვა.“ ალ-ბუხარი, 6604; მუსლიმი, 2891.

ერთხელ ერთმა იუდეველმა სალმან ალ-ფარისის ალლაჰი იყოს მისით კმაყოფილი უთხრა: „თქვენმა შუამავალმა ﷺ ყველაფერი გასწავლათ, დიდი საჭიროების აღსრულების წესიც კი?“ სალმანმა უპასუხა: „რა თქმა უნდა!“ მუსლიმი, 262.

‘აბდულლაჰ იბნ ‘ამრასგან ალლაჰი იყოს მისით კმაყოფილი გადმოცემულია, რომ ალლაჰის მოციქულმა ﷺ თქვა: „რომელ შუამავლებსაც არ უნდა აგზავნიდეს ალლაჰი, მისი მოვალეობა იყო, თავისი თემისთვის მიეთითებინა მისთვის ცნობილი ყოველი სიკეთისკენ და გაეფრთხილებინა მისთვის ცნობილი ყოველი ბოროტებისგან.“ მუსლიმი, 1844.

ასევე ალლაჰის მოციქულმა ﷺ თქვა: „არაფერი დარჩენილა ისეთი, რაც სამოთხეს აახლოებს და ცეცხლს აშორებს, რომ მე ეს თქვენთვის არ ამეხსნა!“ ათ-ტაბარანი, „ალ-ქაბირ“, 1647. ჰადისი სანდოა. იხ. „ას-სილსილა ას-საჰიჰა“, 1803

აბუ ზარმა ალლაჰი იყოს მისით კმაყოფილი თქვა: „ალლაჰის მოციქულს ﷺ არაფერი გამორჩენია, ცაშიც კი ფრთების მომფარფატე ფრინველი, ისე, რომ ამის შესახებ ცოდნა ჩვენთვის არ დაეტოვებინოს.“ აჰმადი, 21771; იბნ ჰიბბანი, 3/271. სანდოობა დაადასტურა შუ‘აიბ ალ-არნაუტმა

ნუთუ ყურანის ამდენი ნათელი და ცალსახა აიათისა და ჰადისის შემდეგ შეიძლება ადამიანს დარჩეს აზრი, რომ შუამავალმა ﷺ დატოვa?