Abbos Khazratov | Dizayn Blog

SUN’IY IDROK

Gar savol tug‘ilsa, o‘ylarding avval,
Yechim izlab tunlar, surarding hayol.
Sun’iy idrok chiqib, bo‘lding-ku tanbal —
Tabiiy idrokni ham ishlat, birodar.

“Qanday yozayin?” — deb botdan so‘raysan,
Shu yo‘l bilan hatto qizlar o‘raysan.
Karra jadvalin ham durust bilmaysan —
Tabiiy idrokni ham ishlat, birodar.

Deysan: “O‘ylanmoqqa endi ne hojat,
ChatGPT’dan so‘ra, beeehijolat”.
Do‘stim, menda yo‘qdir senga adovat —
Tabiiy idrokni ham ishlat, birodar.

Zehn ham ishlasa, charxlanar har dam,
Charxlamay qo‘ysang-chi — sustlashib qolar.
Mahkum bo‘lmagin sen unga, ey Odam!
Tabiiy idrokni ham ishlat, birodar.

Dasturchisan, kod yozarding tun-u kun.
Afsus, endi botdan emassan ustun.
Tan ol, bilasan-ku, ishsizsan bir kun.
Tabiiy idrokni ham ishlat, birodar.

Dizayner-ku o‘zin aldab yuribdi,
Kim kimdan zo‘rligin bilib turibdi,
Ammo bil, ko‘ndalang qo‘yib qo‘yibdi.
Tabiiy idrokni ham ishlat, birodar.

Robotga topshirdik “toza” ishlarni,
O‘zimiz ko‘tardik ketmon, g‘ishtlarni,
U bizdan o‘rgandi barcha sirlarni.
Tabiiy idrokni ham ishlat, birodar.

Yoshlar kasb tanlashda qoldilar hayron,
“Besh yil o‘tib qay ish qoladi omon?”
“Robot egallamagan soha bormi?” — gumon.
Tabiiy idrokni ham ishlat, birodar.

“Terminator” ko‘rib, rosa kulishgan,
Kinoni ertak deb, chetga surishgan.
“Bunday kun kelmaydi”, deya yurishgan.
Tabiiy idrokni ham ishlat, birodar.

Bugun sen buyruqni berding xotirjam,
Hali aksi bo‘lar, bo‘lmagin beg‘am.
O‘sha kun qilmayin desang sen alam —
Tabiiy idrokni ham ishlat, birodar.

Sun’iy aqlning ham foydasi bisyor,
Ishni tezlatadi, bo‘lsa u dastyor.
Asbobi boshqargan bo‘lur albat xor.
Tabiiy idrokni ham ishlat, birodar.

Lek muammo sun’iy aqlda emas,
Tushun, bu insonga aslo yarashmas.
Fikrsiz manqurtda yaxshilik bo‘lmas.
Tabiiy idrokni ham ishlat, birodar.

Shu yerda she’rimga qo‘yayin nuqta,
“Qoyil!” deb yubormang menga behuda,
Chunki buni o‘zim yozganim yo‘q-da —
Buni ham GPT yozdi, birodar.

@AbbosDesign
©️ Shoir Abbos Jipitiy
08.09.2026

Dizayningizni clean (toza) qiling. Hokim tekshirishi mumkin )

#humor

@AbbosDesign

Как отменить подписку на онлайн-кинотеатр

🎮 FIFA'dan mahsulot dizayni haqida juda qiziq dars

Bugun FIFA 17–19'dagi Story Mode'ni yaratgan jamoaning tajribasi haqida eski bir maqolani o'qib qoldim.

Meni UX yoki chiroyli interfeyslar emas, ularning fikrlash usuli qiziqtirdi.

Oddiy FIFA'ning oqimi juda sodda:

Menu → Match → Statistics → Menu

Lekin Story Mode'da hammasi o'zgaradi:

Story → Dialog → Choice → Match → Consequences → Story

Bu endi shunchaki futbol simulyatori emas. Bu – hikoya.

Shu yerda jamoa o'ziga juda qiziq savol bergan:

Qanday qilib FIFA interfeysini shunchaki funksional emas, balki immersiv va emotsional qilish mumkin?

Buning uchun ular 3 ta tamoyil ishlab chiqishgan:

1. Maqsadli immersiya

Har bir ekran ikkita maqsaddan biriga xizmat qilishi kerak:

🔹 Functional Immersion – foydalanuvchi vazifani tez va qulay bajarishi uchun.
🔹 Emotional Immersion – foydalanuvchi nimanidir his qilishi uchun.

Ko'p mahsulotlarda biz faqat birinchisiga e'tibor qaratamiz. Lekin eng esda qoladigan mahsulotlar ikkinchisini ham yaratadi.

2. Kontekstli dizayn

Har bir ekran bir xil bo'lishi shart emas. Ba'zi joylarda interfeys deyarli ko'rinmasligi kerak. Ba'zi joylarda esa ko'proq ma'lumot berishi kerak.

Shu sababli ular interfeyslarni:

• Light UI
• Medium UI
• Heavy UI

ga ajratishgan.

Bir xil dizayn tizimi hamma joyda bir xil ishlamaydi.

Kontekst muhim.

3. UX Framework

Ular ekranni emas, butun tajribani loyihalashgan. Har bir nuqtada o'zlariga mana bu savolni berishgan:

Foydalanuvchi hozir nimani qilmoqda?
Nimani his qilmoqda?
Keyingi qadamga qanday o'tadi?

Bu menga yana bir narsani eslatdi:

Biz dizaynerlar ko'pincha button, karta, animatsiya va komponentlarni loyihalaymiz. Aslida esa foydalanuvchi uchun:

👉 tajriba,
👉 ritm,
👉 hissiyot,
👉 hikoya yaratamiz.

Ayniqsa davlat tizimlari va korporativ mahsulotlarda bu juda seziladi. Ko'p tizimlar funksional. Lekin juda kam tizimlar o'z foydalanuvchisiga yaxshi tajriba bera oladi.

Ba'zan yaxshi UX yangi feature qo'shish emas.

Ba'zan yaxshi UX – foydalanuvchini kerakli paytda kerakli hissiyotga olib borishdir.

@AbbosDesign