TGViewer
Channel Public Channel
Зоҳиджон О‘ЛОВ ижодхонасида... ✍️

Зоҳиджон О‘ЛОВ ижодхонасида... ✍️

@zohidjon_olov

"Сўзда сеҳр, шеърда ҳикмат бор". Ҳадис
Open in Telegram
Subscribers
267
Photos
167
Videos
43
Links
71
Recent Posts 20 shown
Post #394 97
ФАХРИЯ
Туркиянинг Кўнё шаҳрида 16 ёшгача ўсмирлар ўртасида ўтказилган жаҳон шахмат олимпиадаси ғолибларига

Кўнё. Шовуллар ҳайбатли денгиз,
Ҳазрати Румийнинг руҳи кезар шод.
Не-не рақибларин чўктирганча тиз,
Юзин ёруғ қилди музаффар авлод.

Бу тупроқ ўзбекка ёт эмасдир ҳеч,
Келса хушёр тортар ҳатто тик тоғлар.
Бунда Темур бобом ўйнатган қилич,
Мангу қўним топган хоразмшоҳлар...

Халқим, сени чиндан сийлаган тақдир,
Меҳри ҳам шунчалик бўлар Қодирнинг.
Қандай қилиб ғолиб бўлмасин ахир,
Бир эмас, иккита бўлса Нодиринг.

Шамслар кунингни нурлатиб турса,
Тунингни ёритса Ситоралар, воҳ!
Кўксингда тош эмас, Жавоҳир юрса,
Омад ҳам, зафар ҳам сенгадир ҳамроҳ.

Бу болалар ҳали кўп кезар жаҳон,
Зеҳн майдонида қилиб тантана.
Қанча Тагор, Пушкин, неча Вашингтон,
Румий сабоғига келмоқда ана.

Улар пичирлашар тан бериб музтар,
Тилидан тушмайди фақат бир савол —
«Ўзбекнинг боласи шундай бўлса гар,
Боболари кимлар? Ўзинг билиб ол!»...

5.12.2018
  • 👍 9
  • 🔥 3
  • 👏 1
Post #393 202
Хива. «Янги Ўзбекистон мушоараси»

Президентимиз Шавкат Мирзиёев шу йил 18 августда Хоразм вилоятига ташрифи давомида белгилаб берилган вазифалар ижросини таъминлаш мақсадида Хива шаҳрида «Янги Ўзбекистон мушоираси» номли адабий анжуман бўлиб ўтди.

17 сентябрь куни ўтган тадбирнинг очилиш маросимида Хоразм вилояти ҳокими ўринбосари Ботир Саидов иштирок этиб, вилоят ҳокими Жўрабек Раҳимовнинг мушоира иштирокчиларига йўллаган табригини ўқиб эшиттирди. Ўзбекистон Ёзувчилар уюшмаси раиси биринчи ўринбосари Минҳожиддин Мирзо адабий ислоҳотларнинг бугунги шодиёнаси билан ижод аҳлини қутлади.

Эътиборлиси, мазкур улкан шеърият кечасида республикамизнинг турли ҳудудларидан келган таниқли ҳамда истеъдодли ёш шоирлар, шунингдек, қозоқ, тожик, туркман, қорақалпоқ ва рус тилларида ижод қилаётган қалам аҳли ҳам шеър айтиш имконига эга бўлди. Қисқаси, шу куни 50 дан зиёд ижодкор саҳнага кўтарилиб, Ватан ва юрт тараққиётини тараннум этувчи шеърларини ўқиб берди. Сатрларида Янги Ўзбекистонда кечаётган янгиланиш жараёнлари, мамлакатимизда амалга оширилаётган бунёдкорлик ишлари ва уларнинг инсонлар ҳаётидаги аҳамияти ўзига хос тарзда акс этгани эътиборли, албатта.


Кечада Ўзбекистон халқ шоирлари Усмон Азим, Маҳмуд Тоир ҳамда Хосият Бобомуродова, шунингдек, Ўзбекистонда хизмат кўрсатган маданият ходимлари Рустам Мусулмон, Фарида Афрўз, Мунаввара Усмонова, Зебо Мирзо ва бошқалар икки оғиз тилакларини айтиб, дилтортар шеърларидан ўқиди.

Қувонарлиси, ушбу анжуманда камина ҳам иштирок этдим ва ўзимнинг янги - поездда кетаётиб ёзганим - "Хоразм" шеъримни ўқиб бердим. Назаримда, тингловчилар жаа ёмон қабул қилмади. Шу боис тап тортмай сизларга ҳам улашдим.
  • 👍 10
  • 👏 6
  • 🔥 1
Post #392 207
  • 🔥 6
  • 👍 5
Post #391 230
  • 🔥 13
  • 👍 12
  • 👏 4
Post #389 225
Зоҳиджон О‘ЛОВ ижодхонасида... ✍️ Video message
Зебо Мирзо, Ўзбекистонда хизмат кўрсатган маданият ходими. Катта шоира. Ўнлаб шеърлари қўшиқларга айланган...

2003 йилда Зомин семинарига борганимда, икки-учта шеъримни "Ёшлар" телеканалига ёзиб олганди. Кейин радиода ҳам берган.

Бугун Зебо опа билан Хивада катта шеърият анжуманида (16-18.09.26) яна кўришдик. Ичанқалъада миллий либосларга қизиқиб юрганида саволга тутганимда илиқ гаплари билан тағин кўнглимни кўтарди. Раҳмат. Ҳақиқатан ҳам, умри узоқ бўлсин!!!
  • 🔥 9
  • 👍 5
  • 💯 1
Post #388 195

This post (sticker, poll or similar) has no web preview. Open in Telegram

  • 👍 8
  • 🔥 5
  • 💯 2
Post #387 308
ВИЛОЯТ БОШ ТАДБИРИ

Бугун Нурафшон шаҳрида Тошкент вилоятининг асосий Мустақиллик байрами ўтказилди.

Вилоят ҳокими бошчилигида вилоятнинг энг нуфузли кишилари таклиф этилган ушбу тантана дастури сценарийси ҳамда у ерда янграган тўрт тўртлик ва икки қўшиқ ("Ягона Ватан ичра" & "Спорт") матни муаллифи ўзим эканимни айтиб, мақтаниш ниятим йўқ.

Зеро, Румий ҳазратлари айтганидек: "Бизни билган билар, билмаган ўзи билар"...
  • 🔥 9
  • 👍 7
  • 👏 3
  • 💯 1
Post #386 332
Кеча байрамда интервью бергандим. Бугун қўйибди
  • 👍 19
  • 🔥 11
  • 👏 6
  • 💯 2
Post #385 532
#Бугун Паркентда...

Ҳурматли Президентимизнинг тегишли фармони билан таъсис этилган "Ўзбекистон Республикаси мустақиллигининг 35 йиллиги” эсдалик нишони минглаб юртдошларимиз қатори  каминага ҳам насиб этди.

Бундан албатта мамнунман. Эътибор учун давлатимиз раҳбарига ташаккур айтаман.

Ажойиб нишонни қадрли ҳокимимиз Элмурод Пўлатов қўлидан олдим.


***
Унутилмас меҳнат, чекилган заҳмат,
Бир кунмас, бир куни топади рағбат.
Асли, бу сийловга арзимасам ҳам,
Қаторга қўшгани учун минг раҳмат!

🤷‍♂️✍️ Зоҳиджон Олов
  • 👍 21
  • 🔥 9
  • 👏 7
  • 💯 2
Post #384 319

Forwarded from Ўзбекистон Республикаси Транспорт вазирлиги

YAGONA VATAN, YAGONA XALQ BO‘LIB, YANGI HAYOT VA KELAJAK YARATAMIZ!
 
Bugun jonajon diyorimizning barcha tuman, shahar-u mahallalarida eng ulug‘, eng aziz bayramimiz — Mustaqilligimizning 35 yilligi nafasi ufurmoqda.
 
Mamlakatimiz taraqqiyotiga o‘z hissasini qo‘shayotgan barcha sohalar qatori bugun transport tizimida xizmat qilayotgan ming-minglab yurtdoshlarimiz ko‘ksida faxr-u iftixor jo‘sh urmoqda.
 
Yangi O‘zbekistonning rivojlanish yo‘lida soha vakillari  ham o‘z ulushi bilan ildam borayotgani, barcha niyatlar va intilishlar Vatan taraqqiyotiga  munosib hissa qo‘shish orzusini ro‘yobga chiqarishga qaratilgan maqsadlar bilan mushtarakdir.
 
Zero,  Mustaqilligimiz 35 yilligi bosh g‘oyasida aytilganidek, Yagona Vatan, yagona xalq bo‘lib, yangi hayot va kelajak yaratamiz!
 
Mustaqilligimizning 35 yilligi muborak bo‘lsin!
 
 
ЕДИНОЙ РОДИНОЙ, ЕДИНЫМ НАРОДОМ МЫ ПОСТРОИМ НОВУЮ ЖИЗНЬ, НОВОЕ БУДУЩЕЕ!
 
Сегодня во всех районах, городах и махаллях нашей родной земли ощущается дыхание самого великого и самого дорогого для каждого из нас праздника — 35-летия Независимости Узбекистана.
 
Наряду с представителями всех отраслей, вносящих свой достойный вклад в развитие страны, сердца тысяч наших граждан, трудящихся в транспортной системе, переполняет чувство гордости и ответственности за свою Родину.
 
Представители транспортной сферы также уверенно идут по пути развития Нового Узбекистана, участвуя в реализaции важных преобразований. Все их намерения и стремления созвучны единой цели — воплотить в жизнь мечту о достойном вкладе в развитие и процветание нашего государства.
 
Сейчас особенно значимо для каждого из нас звучит основная идея 35-летия нашей Независимости - Единой Родиной, единым народом мы построим новую жизнь, новое будущее!
 
С 35-летием Независимости нашей Родины!
  • 🔥 4
  • 💯 1
Post #383 394

Forwarded from Yozuvchilar uyushmasi | Rasmiy

​11-avgust sheʼri...

O‘N SAKKIZINCHI YULDUZ

Axbor Imomxo‘jayev xotirasiga

Halokat. Faryodlar olamni tutdi,
Urilmagan gollar tortdilar mayus.
Unga ham dunyoni tor qilib ketdi
Samoga sochilgan o‘n yetti yulduz.

Bundoq shumxabarni tinglagan zahot,
U tugadi... misli haykaldek qotdi.
Shahidlar qatori o‘sha kun hayhot,
O‘zidan ayrildi, o‘zin yo‘qotdi.

Yoshlik chog‘in qo‘msab kechalari goh,
Xazonli bog‘larni kezganda yolg‘iz.
Samoga termilar umidvor... ey voh,
Milt-milt jimirlaydi o‘n yetti yulduz.

“Paxtakor” tiklandi. Ovundi maydon,
Davom etdi hayot... shu taqdir izmi...
Ammo u ko‘nmadi, ko‘nmadi bir on,
Bu boshqa jamoa... Tushunyapsizmi?

U sharhlar: “Birinchi raqamda...”, eh yo‘q,
Tiliga kelmaydi begona ism.
Nima qilsin axir qalbga yoqib cho‘g‘,
Jilmayib turadi o‘n yetti rasm.

Ular yulduz edi! Yulduz chinakam!
Osmon yulduzlarning asil maskani.
Bir o‘yin o‘tkazsa, barin qilib jam,
Oydan koptok yasab berolsa, qani...

Shunday orzu bilan kun kechirdi u,
Unga hamroh bo‘ldi abad shu armon.
Ertaroq qaritdi uni bu qayg‘u,
Oxir... torlik qildi Yer degan maydon.

Sheʼr yozmoq ne... so‘zni so‘zlarga ulab,
Baʼzan hazin ruhim qoplaganda kuz.
Entikib qarayman milt-milt jimirlab,
Ko‘kda porlab turar o‘n sakkiz yulduz!

Zohidjon Olov
  • 🔥 8
  • 👍 7
  • 💯 4
Post #382 1.23K
ЯГОНА ВАТАН

Илк бор чиқиш қилдим, аммо гап бу ҳақда эмас...

22 июль куни Нурафшон шаҳрига Президентимиз Шавкат Мирзиёев ташриф буюриб, жуда улуғ ишларга тамал тоши қўйди. Вилоятимиздаги ўзгаришлар билан танишди. Улар дунёнинг энг тараққий этган мамлакатларига хос ёндашув, тутум экани мақсаду муддаосидан, ажратилаётган маблағларидан, муҳандису қурувчиларидан, лойиҳаларидан аён. Ҳаммасининг чин ташаббускори, бош ғояси муаллифи Президент!!! Шубҳасиз шундай!!!

Бундан 10 йил олдин Тўйтепа шундай кўринишга келади, деса, "Ола, гапниям жа обқочасан-да" дердик. Бу муболаға эмас. Ниҳоятда улкан ўзгаришлар, янгиланишлар юз бердики, тан олмаган кўр бўлади. Оддийгина мисол - Тўйтепада охирги кўп қаватли уйлар совет даврида қурилган...
Лекин охирги 5 йилда бутун бошли шаҳар қурилди! Бу қилинаётган ишларнинг мингдан бири, холос. Аслида буларни айтиб ўтириш шартмас. Барини кўриб турибмиз. Президентга минг раҳмат. Дунё тургунча турсин!!! Олтин боши омон бўлсин! Юртим, элим деб чарчамасин! Ўзбекистон абадий бўлсин!!!
  • 👍 13
  • 🔥 5
  • 👏 4
  • 💯 2
Post #380 448
Мана, инсон қадрини улуғлаш санъати!
Post #379 512
​​Кузатув

Бир сатр ғалваси

Бир туппа-тузук газетада бир туппа-тузук арбобнинг мақоласи чоп этилди. Ўқиб ўтириб, бир жойга келганида сал ғалати бўлдим. Гап шундаки, унда Бобораҳим Машрабдан деб ушбу сатр келтирилганди:

«Дилда дардинг бўлмаса,
Сардафтаримни кавлама».
 
Каминага бу шубҳали туюлди. Чунки бундай сатрни ҳеч эшитмагандим. Ваҳоланки, Машраб бобони болалигимдан ўқийман. Кел, балки адашаётгандирман, деб изландим. Қарасам, ростан ҳам сатр бузилган, аниқроғи, бошқа-бошқа байтлардаги сатрлар бир-бирига уланган экан. Аслида эса улар мана бундай:   
 
Ҳар замоне Лайлидин манга китобатлар келур,
Сенки Мажнун бўлмасанг, сардафтаримни кавлама.
 
То кишига дард тегмай, бўлмади бағри кабоб,
Дилда дардинг бўлмаса, дарди саримни кавлама.
 
Айрим манбаларда ўша охирги жумла «дарди сар» эмас, балки «дарди сир» шаклида ҳам келтирилган. Назаримда, «дарди сар», яъни бошга тушган дардлар маъносида қўлланилгани тўғри. Шоир айтмоқчики, агар ўзинг дард нелигини билмасанг, менинг дардимни кавлаб нима қиласан? Бир марта бировни севиб кўрмаган бўлсанг, муҳаббат ҳақида кўпириб гапиришга бало борми, биродар, дегандек.

Хуллас, туппа-тузук акага шуни кимдир етказиб қўйсин. Машраб бобонинг руҳи шод бўлсин!
  • 👏 9
  • 🔥 7
  • 💯 1
Post #378 509

Forwarded from Uzbekistanofficial Rasmiy Tezkor Xabarlar va Yangiliklar

🇺🇿 Элдор Шомуродовнинг Конго ДР дарвозасига урган голи FIFA танловида гуруҳ босқичининг энг чиройли голи деб топилди.

FIFA уни Ўзбекистон ЖЧ дебютининг “энг эсда қоларли лаҳзаси” деб атади.

👉 https://t.me/UZBEKISTANOFFICIAL
  • 👍 8
  • 💯 6
  • 🔥 1
Post #377 400
Чиройли гол уриш ҳам бир санъат! Биз шоиртабиат халқмиз. Шоирлик эса гўзалликка ошуфта бўлмоқ, дегани. Қаранг, урган ўша саноқли голимиз ҳам гўзал-да! Жаҳон чемпионатида иштирок этиб, ўнлаб голлар урган жамоаларнинг қай бири ҳавас қилмайди бунга?! Ўша гап - битта бўлди, зўр бўлди! Олға, Ўзбекистон!
  • 👍 5
  • 🔥 3
  • 💯 1
Post #376 566

Forwarded from Gazetalar sharhi

Жадид № 38_2025.pdf5.2 MB
⚡️ “Jadid” газетасининг 2025 йил 19 сентябрдаги 38-сони билан танишинг:

📱Электрон газета

🔘Абдулла ҚАҲҲОР:
ТЎЙЛАР МУБОРАК...
🔘Иброҳим ҒАФУРОВ:
ОЙ ТЎЛИН БЎЛГАНДА ШУНДАЙ ОҚАРСА КЕРАК...
🔘Жамолиддин БАДАЛОВ:
ПАХТА – КЕЧАГИ АЗОБ, БУГУНГИ ИМКОНИЯТ: ОҚ ВА ҚОРА
🔘Ш.МУСТАФАЕВ:
ОГОҲ БЎЛИНГ: “ИНТЕРНЕТОМАНИЯ”
🔘Ҳамиджон РАҲИМОВ:
ЭНДИ УСТОЗ ҚАДРИ ҲАМ АВВАЛГИЛАРГА ЎХШАМАС
🔘Биллура ИКРОМОВА:
ЭЛ-ЮРТИМ МЕНГА “ТАНКА” БЎЛДИ
🔘Жалолиддин АЗИМОВ:
ФАН МИЛЛАТ ТАНЛАМАЙДИ
🔘Рўзимбой ҲАСАН:
ҚОДИРИЙДАН ҚОЛҒОН ҚАЙҒУ
🔘Бекзод САЙФИЕВ:
ВОРИСЛИК МАСЪУЛИЯТИ ЁХУД ҚАШҚАДАРЁ ВИЛОЯТИДАГИ ЁДГОРЛИКЛАР ҲАҚИДА
🔘Рустамбек ШАМСУТДИНОВ:
РЎЙХАТДАГИ 9-МАҲБУС
🔘Мулла ХУНОБ:
БУЯМ БИР АШУЛА
🔘Эшқобил ШУКУР:
“ЎТ-ЎЛАН”ДАГИ ЎЛАН НИМА?
🔘Зоҳиджон ОЛОВ:
ДУНЁНИНГ ЖАННАТИ
🔘Абдували БЎРИЕВ:
ҚАЧОН ТЎҒРИ ЁЗАМИЗ?


Tilda, fikrda, ishda birlik!


Jadid.uz | Telegram | Facebook | Instagram | YouTube

〰️〰️〰️〰️〰️
Kanalga ulanish
https://t.me/gazetalar_sharhi
  • 🔥 7
  • 💯 2
Post #375 1.29K
Мексика элидан махсус
(Жаҳон чемпионатида илк бора янграган мадҳиямизга воқеа жойида жўр бўлган илк мухлис ҳақида)

Лотин Америкасидаги энг катта, афсонавий "Ацтека" стадиони атмосфераси...

Футболнинг зўр томонлари кўп. Биттаси ва энг аълоси халқни бирлаштиради! Том маънода ватанпарварга айлантиради. Айниқса, бегона жойда улкан мусобақада ўз юртинг, ўз ватанингнинг номини, шаънини улуғлаш бошқача туйғу, ҳиссиёт бахш этади.

Айни видеода ҳеч қандай таъмасиз, шаъмасиз Юртга, Ўзбекистонимизга бўлган муҳаббати жўшган иним Суннатбой Холматов миллий мадҳиямизни тили билан эмас, нақ дилидан айтяпти. Ҳамма ёқда саап-сариқ либосли мухлислар. Колумбия фанатлари! Бизникилар эса саноқли, лекин овозини қаранг - барчасининг сасидан баландроқ! Самимий!

Ҳа, ватансеварлик ҳеч кимга ўргатилмайди, у бирдан пайдо бўлади ва бутун вужудингизни эгаллаб олади! Футбол шуниси билан ҳам гўзал ва бетакрор!

Яшасин, футбол! Яшасин, Ўзбекистоним! Олға, оқ бўрилар, олға, Суннатбой!!!
  • 🔥 13
  • 💯 1
Post #374 4.12K
​​ОЛҒА, ЎЗБЕКИСТОН!

Жаҳонни икки бор уйғотган халқсан,
Сени кўрсатурлар, десалар: “Бек ким?”
Ўзингсан Осиё, сен ўзинг Шарқсан –
Олға, Ўзбекистон!
Олға, ўзбегим!
 
Беруний закоси очган тупроқда
Колумб йўл тополмай кезган фироқда.
Зафар қуч дунёни қолдириб доғда,
Олға, Ўзбекистон!
Олға, ўзбегим!
 
Сен бор – термулмайман афсоналарга,
Куним қолмас турфа баҳоналарга,
Мухлислик қилмайман бегоналарга,
Олға, Ўзбекистон!
Олға, ўзбегим!
 
Ўйна, аввал Ватан – ҳур диёр учун,
Қозоқ, қирғиз, тожик – дўсту ёр учун,
Самога сочилган “Пахтакор” учун,
Олға, Ўзбекистон!
Олға, ўзбегим!
 
Четга суриб шафқат, муросаларни,
Қувонтир Шаҳлою Шаҳнозаларни.
Гол ур, тешиб ўтсин дарвозаларни,
Олға, Ўзбекистон!
Олға, ўзбегим!
 
Бардам бўл, биргамиз ҳар он сен билан,
Ўттиз саккиз милён инсон сен билан,
Энг Олий Мухлисинг – Сарбон сен билан,
Олға, Ўзбекистон!
Олға, ўзбегим!
 
Янги тарих ёзмиш “оппоқ бўрилар”,
Дуоларга тўлмиш супа-сўрилар.
Тепсанг бас, қолганин Тангрим тўғрилар –
Олға, Ўзбекистон!
Олға, ўзбегим!
 
Юз йил тўлаб келди бож-хирожингни,
Рақиб, қоч, йўлидан териб тошингни...
Футбол, тайёрлаб тур олтин тожингни,
Олға, Ўзбекистон!
Олға, ўзбегим!

Зоҳиджон ОЛОВ
  • 👍 9
  • 🔥 6
  • 👏 5
  • 💯 1
Older posts →

About this channel

How can I read @zohidjon_olov without a Telegram account?
TGViewer shows the public web preview Telegram publishes for Зоҳиджон О‘ЛОВ ижодхонасида... ✍️: recent posts, photos, videos and the subscriber count, with no app, login or account.
How many subscribers does Зоҳиджон О‘ЛОВ ижодхонасида... ✍️ have?
Зоҳиджон О‘ЛОВ ижодхонасида... ✍️ (@zohidjon_olov) has 267 subscribers on Telegram, refreshed roughly every 30 minutes.
Does Зоҳиджон О‘ЛОВ ижодхонасида... ✍️ know I viewed it here?
No. Public channel previews carry no viewer identity, and TGViewer has no accounts or tracking of what you look up.
Threads Profile ViewerView any public Threads profile without an account.Open ThreadLook →Writing with AI? Make it sound human.Metric37 rewrites AI drafts so they read naturally. Free AI detector, 1,500 words free.Try Metric37 →