🔯 Sionist rejim Prezidenti İshaq Hersoq Azərbaycana səfəri ilə bağlı paylaşım edib

Sionist rejim Prezidenti İshaq Hersoq X sosial şəbəkə hesabında Azərbaycana gəldiyini açıqlayıb.

“İndicə regionumuzda sionist rejimin mühüm tərəfdaşı olan Azərbaycana gəlib çatdım. Dostum, Prezident İlham Əliyevlə görüşməyi və Bakıda Asiyanın müxtəlif ölkələrinin liderləri ilə birlikdə AQEM-in Zirvə toplantısında iştirak etməyi səbirsizliklə gözləyirəm”, – deyə Hersoq paylaşımında bildirib.

Qeyd eləmək lazımdır ki, sionist rejim Prezidenti İshaq Hersoq Azərbaycana niyə Azərbaycan təyyarəsi ilə gəlib?

Diqqətçəkən məqam budur ki, sionist rejim Prezidenti İshaq Hersoq Bakıya səfəri zamanı sionist rejimə deyil, Azərbaycana məxsus təyyarədən istifadə edib.

Bu isə bir sıra suallar doğurur: Hersoq niyə sionist rejim təyyarəsi ilə uçmayıb? Azərbaycan təyyarəsindən istifadə olunması təhlükəsizlik və uçuş marşrutu ilə bağlı olubmu?

Ehtimallardan biri Türkiyənin sionist rejim prezidentini daşıyan təyyarənin öz hava məkanından keçməsinə icazə verməməsi ilə bağlıdır. Xatırladaq ki, əvvəlki illərdə də Türkiyənin sionist rejim prezidentinin təyyarəsinə hava məkanından istifadə icazəsi verməməsi barədə məlumatlar yayılmışdı.

Belə bir şəraitdə Azərbaycan təyyarəsindən istifadə olunması xüsusi diqqət çəkir.

Əsas sual budur: Azərbaycan sionist rejim prezidentinin səfərini təmin etmək üçün öz təyyarəsini hansı səbəbdən ayırıb?

Hələlik təyyarənin seçilməsinin və uçuş marşrutunun rəsmi səbəbləri məlum deyil. Lakin ehtimal olunur ki, Azərbaycan təyyarəsindən istifadə Türkiyənin mümkün hava məkanı məhdudiyyətlərini aşmaq və sionist rejim prezidentinin təhlükəsizliyini təmin etmək məqsədi daşıyıb.

Sual olunur: Sionist rejimin prezidentini qorumaq, onun təhlükəsizliyini təmin etmək və qarşısındakı maneələri aradan qaldırmaq Azərbaycana qalıb?!

Qeyd: Təyyarənin üzərindəki tünd mavi rəng, “Azərbaycan” sözünün baş hərfi olan “A”nın açıq mavi rəngdə yazılması, eləcə də gövdəsinin aşağı hissəsi boyunca uzanan açıq mavi zolaq onun Azərbaycana məxsus təyyarə olduğunu göstərən əlamətlərdir.

✡️ Abunə olun