Yunusjon - IT Blog #FreeUyghur

Bugun so'kmanglar, ertaga bemalol

Ko'chada hamma asabiy. Azizlar, ramazon hozir. Jahlingiz chiqsa, qolganlardan olmang alamingizni...

Аёлингиз сиздан пул ундириш учунгина атрофингизда парвона бўлиши, сохта мулозамат қилиши, кўзларини сузиб, пирпиратиши сизга эриш туюлмайдими?

Инини кавлаб асалини олиб қочган айиқ кетидан қуваётган асалариларга ўхшаб намунча ҳамма шуларнинг орқасидан чопа-чоп қилмаса?

Соддалигингиз, лақмалигингиз, пулинг кўпайиб кетади, деган бир оғиз гапга гипноз бўлиб орқасидан чопишингиздан фойдаланиб, сизни қарзга ботириб бўлса-да, ўз чўнтагини қаппайтириш пайида эканликларини наҳот кўрмаяпсиз?

Эҳ, гапларим кўп эди-кууу...

Яқинда бир талаба қиз кредит олмоқчилигини айтди. Нимага, деб сўрадим ҳайрон бўлиб.

Тренингга борармиш. Кредит олиб а? Хўш, кейин ўша кредитни ким тўлайди, десам, тренингга бориб ривожланиб кетаман-ку, бемалол тўлаб ташлайман, дейди.

Билими қай даражадалигини билмасам ҳам майли эди.

Аслида бу пост ёзилишига шундай ёшларнинг бир нечтасидан шунга ўхшаб кетадиган гаплар эшитганим сабаб бўлди.

Яна бир талаба қизнинг гапини кўринг. Яқингинада аммаси зўўўр тренернинг тренингига қатнаб пулларга очилиб кетибди. Ҳамма жойдан пул келаётганмиш.

Шунинг учун энди шу жиянларини ҳам боринглар-чи боринглар қилиб, қўймаяпти экан.

Бутун дунёда касб қилиб, меҳнат қилиб яшаб юрган шунча одамларам аҳмоқ экан-да. Ҳаммаси шунақа тренингга қатнаб, пулларга очилиб, маза қилиб давру даврон суриб юраверса бўлмасмикан.

Эй ёшлар, ундан кўра ўқиётган соҳангни ўрган, яхши мутахассис бўлишга интил, талабалик даврингдан унумли фойдалан! Билимингни ошир!

Афсуски, "шахсий бренд"чилар, бир йил ҳам бўлмаган касбининг "бир неча йиллик мутахассислари", уларнинг сохта рекламасию баландпарвоз ваъдаларидан кўзлари қамашиб қолиб, бошқа нарсани кўрмаётганлар кўпайиб кетяпти орамизда.

Қанчалик катта ва гўзал кўринмасин, кўпикдан бўлган шар ҳеч нимага ярамаслигини унутманг.

✍️ Gavhar Nasrulloh

Деярли бир йил аввал бир постга кўзим тушди(муддатда адашмаётганимга ишонч ҳосил қилиш учун ҳозир ўша постни топиб, санасини текширдим, бир йил бўлишига ҳали бор экан).

Ўша постда бир фейсбук профиль эгаси уйда ўтириб ишлаш учун иш қидирган эди. Изоҳларда кўпчилик замонавий касбларни ўрганишини тавсия қилгани ҳам ёдимда(ҳозир буни яна бир тасдиқлаб олдим).

Яқинда кўзим тушиб қолди: шу профил эгаси ўзини икки йиллик тажрибага эга бўлган СММ мутахассиси сифатида тақдим этиб, соҳа бўйича курслар ўта бошлаганини эълон қиляпти.

Пост қўйилган муддатдан ўрганишга кетган вақт ва иш топиб, тажриба орттира бошлашига кетган вақтни айирсак, икки йил деган гап катта ёлғон эканлиги яна ҳам аниқ билина бошлайди...

Келинг, гапни шу ерда тўхтатиб, шахсий бренд ҳақида бироз мулоҳаза қилсак.

Қисқача айтганда, шахсий бренд бу — одамлар сизнинг номингизни эшитганидаёқ, қайсидир соҳа ёки фаолият тури билан бирга ёдга олишлари, танишлари.

Шахсий брендни ривожлантириш эса, ҳозирги кунда PR ёки СММ ёки ижтимоий тармоқлардаги шахсий саҳифангиз орқали ўз фаолиятингиз билан оммани таништириб боришингиздир.

Лекин Ўзбекистондаги ҳозирги вазиятни кузата туриб мен юқоридаги шахсий бренд таърифига бироз қўшимча киритиш шарт деган хулосага келдим.

Яъни шахсий бренд бу "одамлар сизнинг номингизни эшитганидаёқ, қайсидир соҳа ёки фаолият тури билан бирга ёдга олишлари, танишлари" эмас, балки ЎҚИМИШЛИ, ЗИЁЛИ, АҚЛЛИ, ИЛМЛИ, САВИЯСИ ЮҚОРИ БЎЛГАН одамлар сизнинг номингизни эшитганидаёқ, қайсидир соҳа ёки фаолият тури билан бирга ёдга олишлари, танишлари, деб ўзгартирардим.

Нима учун?

Чунки ҳозирги "шахсий бренд"чилар юқорида келтирилган мисолдагидек, алдов йўлидан унумли фойдаланяптилар.

Ўз тажрибалари борасидаги ёлғон маълумотлардан кейин, қолган гаплари рост эканлигига шубҳа пайдо бўлиши мутлақо табиий.

Яқинда биттаси айнан "шахсий бренд"ни ривожлантириб беришини айтиб, ўз хизматини реклама қилаётган бир йигит видеосини бўлишди.

Ишонасизми, ҳозирги бир нечта псевдотренер ва псевдопсихологларнинг айланиб юрган антиқа видеолари шуларнинг хизмат маҳсули экан.

"Эрингизни қиролдек кўринг, кийимларини ювганда алоҳида жойга ёйинг(демак қироллар ювилган кийими алоҳида жойда қуритилиши билан ажралиб туришаркан-да🤦‍♀) деб сайратиб, видеога олишади-да, тармоққа жойлаб, эркакларга кўрсатиладиган қилиб таргет реклама созлашади.

Қарабсизки, буни кўрган анча-мунча эркак аёлининг қўлига бир даста пул тутқазиб, ўша ерга жўнатиб юборганини ўзи ҳам сезмай қолади.

Худди шу психологнинг эрдан пул ундириш сирлари ҳақидаги таргет созланган видеосини бироз аввал тармоқда кўриб қолиб, не қиларини билмай турган аёл ҳам эрининг бу ташаббусидан боши кўкка етганча, кўрсатилган манзилга томон чопқиллаб етиб борганини билмай қолади.

Тренингдан ҳеч қандай фойда чиқмаганини эса бироз муддатдан сўнггина сезишади.

Бири чиқиб, ота-онага яхшилик қил, дейди, яна шунга ўхшаган бир дунё ота-оналарга ёқадиган гапни гапириб қўяди-да, ўшаларга кўрсатиладиган қилиб реклама созлайди.

Не таассуфки, 1400 йилдан ортиқроқ муддат аввал Қуръони каримда, ҳадисларда битиб қўйилган, қанчадан қанча китобларда қайта-қайта чоп этиб келинган, диний уламолар такрор ва такрор айтиб келаётган бу гап, айнан мана шу псевдотренер оғзидан чиққанида бошқача эшитилиб кетади-да, ернинг тагидан бўлса ҳам пул топиб, унинг даргоҳига ҳали онги тўла шаклланмаган бола элтиб берилади.

Нега? Чунки у ота-онани ҳурматланг, яхшилик қилинг, ПУЛИНГИЗ КЎПАЙИБ КЕТАДИ, ИШИНГИЗ ЮРИШИБ КЕТАДИ, "МУВАФФАҚИЯТ" ҚОЗОНАСИЗ, деяпти.

Мактабдаги устозларнинг бир гапи бўларди, нима, ҳамма томдан сакраса, сен ҳам сакрайсанми, деган.

Нима ҳамма ҳаром-ҳалолни фарқига бормай, пул-пул-пул, деб чопаверса, сиз ҳам шундай қиласизми?!

Сиз ва биз мусулмонмиз-ку?!
Ризқ Аллоҳдан эканига иймон келтирмаганмидик?!

Болангиз фақат пули кўпайиши учун сизга яхшилик қилиши ёқадими сизга? Мабодо, пул келмаса, "муваффақият"га эришолмай қолса-чи? Бундай яхшилик фойдасиз экан деган хулосага келиб қолишидан чўчимайсизми?

Bugun boshqacha kun.))

Good news 2: Saudiyaga topshirgan Sr Frontend ishim ham muvaffaqiyatli o'tibdi. Endilikda bulardan birini tanlayman, imkon boricha o'zimga ko'proq yoqqanini. Tepadagi ishga shunchaki topshirgan edim va ishonmagan edim. Bu ish ko'proq manga yoqqani.)

Fullstackchilar g'ozga o'xshaydi deydiganlar uchun oxirgi oyda Reactda bitta senior, React nativeda bitta senior va kecha Nodejs da senior ishga qabul qilishdi. Burgutday uchadigan, baliqday suzadigan, geparday yuguradigan g'oz bo'lish mumkin.))

Farzandingizni, ukangizni, singlingizni fan repetitiorlariga bering. Tarix, matematika, ingliz tili, rus tili. Bizni qashshoqlikdan, korrupsiyadan, rivojlanmaslikdan qutqara oladigan yagona narsa ilmdir.

Biz qarshi kurashgan reklama.

Shu bola radarga tushyapti. Bir marta videoda ahmoq odam tadbirkor bo'ladi deganida hayron bo'lgandim.

SMM darsga ota-onasini hajga borishni istaganlarni chaqirmoqda. Darsni keyslar, tajriba, olinadigan foyda bilan chaqirish kerak.

Millat, Vatan, Din - marketingda hech qachon "Срок"i o'tmaydigan ish qurollar.

Bu akamizni darslarini hali ko'rmadim, ammo instagramlaridagi kommentlar va darsga chaqiruv shubhalantirib qo'ydi.

@trashiston

O'zimni shunday tasavvur qildim.))

Love it kerak emas.))

Natijamiz

Siz savolga javob oldingizmi? Umuman umraga aloqasi yo'q, shunchaki orzu umidlarni sotib olasiz...

Faqat yozmaymiz, Toshkent bo'ylab bunday reklamalarga qarshi kurashamiz!

Ko'zingizni oching, reklamadagi gaplar shunchaki so'z o'yini. O'zlari ham 5000$ ga ishonishmaydi. 5000$ haqida gap ketyabdi akalar... Oddiy 10 ta o'qituvchining oyligi!

Aniq fanlar motivatsiyadan oʻlsa oʻligi ortiq. Bir soat matematika darsi man uchun 100 soat hikoya eshitgandan afzalroq. Bizni hikoyalar emas, ilm-fan qutqaradi. 40 minutlik hikoyaning ma'nosini 1 minutda gapirib berish mumkin.

Ҳужралар ёпилишига "болаларни таълимга рухсати йўқ одамларга бериб бўлмайди" деб сабаб қилишган эди...

Ҳозир: "болангизни ғурурини синдириб берамиз, туалет тозалатамиз, бозорга олиб чиқамиз, аралашмайсиз" дейдиган "устозларга" болаларини катта пул бериб топширишяпти..

Мактаб боласидан "ёқтирган қизинг борми?" деб ҳаммани олдида сўроққа тутишар экан.. Қизариб бўзариб "ҳа" деса (ёлғон гапириш мумкинмаску!), "шуни онангга айтасан" деган вазифа юклашар экан.

Ўша устозларнинг на педагогикадан малакаси бор, на тажрибаси.

Ота-оналар (айниқса оналар!) болаларини бунақа "курслар"га беришяпгани сабаби ўша курснинг "пири-комил" устозига нихоятда махлиё бўлиб қолишган, боласини шунақа "мўмин-қобил" ва шу билан бирга шундай "муваффақиятли" бўлишини орзу қилишар экан.

Бу "мўмин-қобиллик" қўй териси остидаги қашқир яширинганини билишмайди. "Муваффақият" эса ялтироқ пиар махсулоти эканини билишмайди бечоралар...

Оталар, акалар кўзингизни очинглар.
Таълим мутасаддилари, нима билан машғулсизлар?
Зиёли қатлам - уят сизга агар мавжуд бўлсангизлар!

Бориб ўтиринглар дарс хонасига, болалар билан гаплашинглар.

Менга бунга ўхшаган хабарлар бир биридан мустақил манбалардан келмаганда ёзмасдим.

Майли инфобизнес, ҳар холда унга мустақил ҳаётга қадам қўйган ёшлар ва каттароқлар кириб қолади. Аммо нима учун ихтиёри қўлида бўлмаган болачаларни бу қашқирларга ем қиляпсизлар? Пулингиз куйиши турсин, боланинг психикасини расво қиласизларку!

Jamshid Muslimov

⚡️ Ilon Mask endi Twitterning egasi!

Toshkentda rus tilida rus tilini o'rgatadigan, ingliz tilida ingliz tilini o'rgatadigan kurs bormi?