🇹🇯 Дар Қоҳира 35-солагии Истиқлоли давлатии Тоҷикистон таҷлил шуд

Дар шаҳри Қоҳира бо ташаббуси Сафорати Ҷумҳурии Тоҷикистон дар Ҷумҳурии Арабии Миср ба муносибати 35-солагии Истиқлоли давлатии Тоҷикистон чорабинии ҷашнӣ баргузор гардид.

Дар он намояндагони Вазорати корҳои хориҷӣ, ҳамкории байналмилалӣ ва мисриён дар хориҷа, дигар ниҳодҳои давлатии Миср, сафирон ва намояндагони корпуси дипломатӣ, инчунин олимон, коршиносон, рӯзноманигорон ва тоҷикони муқими ин кишвар иштирок карданд.

Сафири Тоҷикистон дар Миср Парвиз Мирзозода зимни суханронӣ дар бораи дастовардҳои кишвар дар даврони истиқлол маълумот дода, сиёсати хориҷии Тоҷикистонро ба самти ҳамзистии осоишта, ҳамёрӣ ва густариши ҳамкорӣ бо ҷомеаи ҷаҳонӣ муаррифӣ кард.

Дар доираи чорабинӣ инчунин китобу маҷаллаҳои дар Миср нашршуда оид ба Тоҷикистон ба намоиш гузошта шуда, намоишгоҳи либосҳои миллӣ, аксу мусаввараҳо баргузор гардид. Ҳамзамон филмҳои кӯтоҳи мустанад ва роликҳои таблиғотӣ дар бораи Тоҷикистон намоиш дода шуданд.

📲 Your.tj дар ➡️ Telegram / Facebook / Instagram / TikTok / Threads