Нақшаи даъвати тирамоҳӣ дар рӯзи аввал 55 дарсад иҷро шуд

Вазорати мудофиаи Тоҷикистон хабар медиҳад, ки дар рӯзи аввали маъракаи даъвати тирамоҳии ҷавонон ба сафи Қувваҳои Мусаллаҳ 55 дарсади нақша иҷро шудааст.

Маъракаи даъват 1 октябр оғоз шуда, то охири моҳи ноябр идома мекунад. Ба иттилои Вазорати мудофиа, беш аз 20 шаҳру ноҳияи кишвар аллакай дар рӯзи аввали даъват нақшаи пешбинишударо пурра иҷро кардаанд.

🔹Дар Вилояти Мухтори Кӯҳистони Бадахшон низ аз иҷрои пурраи нақша гузориш дода шудааст.

🔹Дар вилояти Хатлон ин нишондиҳанда 76 дарсад,
вилояти Суғд 13 дарсад, шаҳру ноҳияҳои тобеи ҷумҳурӣ 64 дарсад ва шаҳри Душанбе 63 дарсад-ро ташкил медиҳад.

Тибқи фармони Президенти Тоҷикистон, дар маъракаи мазкур ҷавонони аз 18 то 27-сола, яъне шаҳрвандони солҳои таваллудашон 1999–2008, ба хизмати ҳарбӣ ҷалб мешаванд.

📲 Your.tj дар ➡️ Telegram / Facebook / Instagram / TikTok / Threads