⚡️ Тоҷикистон ва Бонки ҷаҳонӣ ҳамкориҳои энергетикӣ ва обиро баррасӣ карданд

28 сентябр дар шаҳри Хоруғ вазири энергетика ва захираҳои оби Тоҷикистон Далер Ҷумъа бо намояндагони Бонки ҷаҳонӣ мулоқот кард.

Ҷонибҳо масъалаҳои таҳкими ҳамкориҳои дуҷониба дар соҳаҳои энергетика ва захираҳои обро баррасӣ карда, аз сатҳи кунунии муносибатҳо изҳори қаноатмандӣ намуданд.

Дар мулоқот лоиҳаи «Электрификатсияи деҳот» ҳамчун яке аз намунаҳои муваффақи ҳамкории Тоҷикистон ва Бонки ҷаҳонӣ арзёбӣ шуд.

Дар доираи ин лоиҳа 27 сентябр бо иштироки Президенти Тоҷикистон Эмомалӣ Раҳмон 31 иншооти нави энергетикӣ, аз ҷумла неругоҳҳои хурди обӣ, офтобӣ ва бодӣ, ба истифода дода шуданд.

Дар фарҷоми вохӯрӣ ҷонибҳо омодагии худро барои густариши минбаъдаи ҳамкорӣ ва татбиқи лоиҳаҳои муштарак дар соҳаҳои энергетика ва захираҳои об таъкид карданд.

📲 Your.tj дар ➡️ Telegram / Facebook / Instagram / TikTok / Thre