Ҳавопаймои Эрон, ки ба Душанбе парвоз мекард, маҷбур шуд ба Теҳрон баргардад

Ҳавопаймои ширкати ҳавопаймоии эронии «Вориш», ки аз Теҳрон ба Душанбе парвоз мекард, бинобар иҷозат надодани Туркманистон барои убур аз ҳарими ҳавоии ин кишвар маҷбур шудааст ба Теҳрон баргардад.

Дар ин бора намояндаи Созмони авиатсияи шаҳрвандии Ҷумҳурии Исломии Эрон Маҷид Ахвон ба хабаргузории ISNA иттилоъ додааст.

Ин ҳолат дар пасманзари лағви парвозҳои байналмилалии ширкатҳои ҳавопаймоии Эрон ба Амороти Муттаҳидаи Араб рух додааст. Тибқи иттилои ISNA, ширкатҳои эронӣ аз нимаи шаби гузашта ҳамаи парвозҳои худ ба АМА-ро бекор кардаанд.

Мақомоти Эрон аз мусофирон даъват кардаанд, ки ҳадди ақал як рӯз пеш аз парвоз маълумоти марбут ба парвози худро санҷанд.

Қаблан, 21 сентябр, вазири молияи ИМА Скотт Бессент гуфта буд, ки ширкатҳои ҳавопаймоии Эрон бояд аз 23 сентябр дар пайи таҳримҳои Вашингтон парвозҳои байналмилалии худро қатъ кунанд. Ба гуфтаи ӯ, ин маҳдудиятҳо инчунин ба шарикони хориҷии Теҳрон дахл доранд.