Xurshid Saidmuhammad | Notes

O’yinqaroqlik!

5000 dan ziyod insonlarni - Nobel mukofoti egalaridan tortib oddiy haydovchigacha bo’lgan ko’lamdagi insonlar bilan suhbat qilish natijasida 8 xil “O’yinqaroq” xarakter borligini olimlar aniqlashibdi.

1️⃣ Kolleksioner - kolleksiya qilishni yoqtiradigan, ishlarini tashkiliy jihatdan yaxshilashga harakat qiladigan inson.

2️⃣ Raqobatchi - o’yin, sportni yaxshi ko’radigan, yutishdan zavqlanadigan inson.

3️⃣ Kashfiyotchi - tadqiq qilishni, yangi joylar va narsalarni kashf qilishni yaxshi ko’radigan inson.

4️⃣ Kreator - yangi narsalarni ixtiro qilishda soatlab vaqt sarflashdan zavqlanadigan inson.

5️⃣ Storyteller - yuqori tasavvurga ega, va bu bilan insonlarni ko’nglini ko’taradigan, yozish va san’atni yoqtiradigan inson.

6️⃣ Hazilkash - doim hammani kuldirib yuradigan inson.

7️⃣ Direktor - reja tuzishni, insonlarni boshqarishni va o’zgarishlar qilishni yaxshi ko’radigan inson.

8️⃣ Kinestetik - jismoniy mashg’ulotlardan zavqlanadigan inson.

Va buni aniqlash, samaradorlikni yaxshilashning 1-vazifasi ekan.

✈️ @lidernotes
📷 @lidernotes

#101Maslahat

💡7️⃣0️⃣ Kamchiliklarimiz aslida bizning eng yaxshi do’stlarimiz!

Bugun tennis bo’yicha katta turnamentlardan biri - Avstraliya Open turnamenti yakunlandi. Va Jannik Sinner ismli yosh yigit 1-Italiyalik tennis chempioniga aylandi. Taqdirlash marosimida juda oddiy, lekin har bir insonni harakatga undaydigan so’zlar aytdi nutqi davomida raqibiga murojaat qilarkan.

“Sen bilan bir necha finallarda o’ynadik. Har gal sen meni yaxshiroq tennis o’ynashimga, har gal kamchiliklarim ustida ishlashimga majbur qilding. Bu meni chempion qildi bugun” shu mazmundagi gaplar edi.

Ba’zida kimdir sizga yaxshi bo’lsin deb to’g’ridan-to’g’ri kamchiligimizni aytsa, ba’zida shu kamchiliklar mag’lubiyatdan keyin ko’zga ko’rinadi. Mag’lubiyatlardan to’g’ri xulosa chiqarishimiz va ular ustida ishlashimiz bizni bu hayotda chempion qiladi.

✈️ @lidernotes
📷 @lidernotes

“Shikoyatsiz 21 kun” haqida yozganimga 1 hafta bo’libdi.

Sinab ko’rayotganlar! Qanday ketyapti?

#101Maslahat

💡6️⃣9️⃣ Hayotimizda sarguzashtlarni yaratishning yana bir usuli - Qiziquvchanlik!

Qiziquvchanlik nafaqat hayotimizni sarguzashtlarga boy qiladi, balki uzoq vaqt bir narsaga fokus qilish qobilyatimizni ham kuchaytirar ekan.

Qanday qilib?

Video o’yinlar o’ynaydigan Gamerlar yaxshi bilishadiki, o’yinning eng zo’r sirlari g’or ichiga, o’rmonga yoki bir qishloqning hech kim hayoliga kelmaydigan yeriga yashiringan bo’ladi. Va tabiiyki, oddiy, hamma kabi o’ynaydigan Gamer o’yinning sirini topa olmaydi.

Ya’ni, har kunlik ishlaringizda, undagi muammolarga yechim topishda hamma kabi emas, balki biroz “Qiziquvchanlik” bilan yondashsangiz yangi usullar, yangi kitoblar yoki yangi instrumentlar kelib chiqadi.

Har kuni “bugungi izlanishim nima?” degan savol berishni odat qiling!

✈️ @lidernotes
📷 @lidernotes

#101Maslahat

💡6️⃣8️⃣ Ilmni o’z egasidan oling!

G’arb mualliflarining kitoblarini targ’ib qilayotganlarga bizda biroz munosabat negativ. Vaholanki, “ilmni kerak bo’lsa Chinga borib olish kerak” kabi naqllarimiz bor. Siz qidirayotgan ilm O’zbek adabiyotida yoki O’zbek olimida bo’lmasa, ilmdan bebahra qolishingiz kerak degani emas.

Faqat, o’z qadryatlaringizni saqlagan holda, ilmni o’z egasidan o’rganing!

✈️ @lidernotes
📷 @lidernotes

#101Maslahat

💡6️⃣7️⃣ Pozitiv sotaylik!

Qayerga qaramaylik, kim bilan suhbat qilmaylik albatta nolish, g’iybat yoki shikoyat bo’ladi. Nolib yoki shikoyat qilsak go’yo ichimiz bo’shab, yengil tortamiz.

Aslida, eshitayotgan quloqqa bu juda yoqimsiz. Hech kimga negativ yoqmaydi. Shunday ekan nimaga buni o’zimizga ravo ko’ramiz. Boshqalarga negativ ulashishdan oldin ularni o’rniga o’zimizni qo’yib ko’raylik.

Bu mavzuda, “Shikoyatsiz 21 kun” experimenti bor. 21 kun davomida g’iybat, nolish, shikoyat qilish, o’rinsiz tanqid qilishdan tiyilasiz. Agar bir kun bo’lsa ham buzib qo’ysangiz, bu qoidani yana 21 kun boshidan.

O’rniga, minnatdorlik va shukur qilishni odat qilasiz!

Arzimagan 21 kunni birgalikda sinab ko’ramizmi?

✈️ @lidernotes
📷 @lidernotes

😧

Qishlog’imizda odamlar oldinlab ketibdi!

Xabar.uzga bergan intervyuimda yuqoridagi savollarga qisman javob topsangiz bo’ladi😊

#Хориждаги_ватандошлар

“120 дан ортиқ ходимнинг ривожланишига жавобгарман” — Apple компаниясида ишлаётган ватандошимиз ҳикояси

Япония — ўзбекистонликлар учун кашф этилмаган давлат, аммо Америка каби орзулар мамлакати эмас...

👉 https://ict.xabar.uz/h30

📲Каналга қўшилинг:
https://t.me/xabaruzofficial

#101Maslahat

💡6️⃣6️⃣ Fikrlarimizni doim tartibga solishimiz kerak!

Fikrlarimiz ham xuddi shu tartibsiz joylashtirilgan o’yinchoqlar kabidir.

Tartibga solishimiz bilan juda go’zal ko’rinishga ega bo’ladi.

✈️ @lidernotes
📷 @lidernotes

❄️

Qishlog’imizda birinchi qor!

#101Maslahat

💡6️⃣5️⃣ Maqsadlarimizga yashash tarzimiz bioan erishamiz!

“Atom odatlar”kitobidan eslatma:

"Yangi maqsadlar yangi natijalarni keltirmaydi. Yangi turmush tarzi esa keltiradi. Va turmush tarzi natija emas, balki jarayondir. Shu sababli, sizning barcha kuchingiz yaxshiroq natijalarga erishish uchun emas, balki yaxshiroq odatlarni shakllantirishga yo'naltirilishi kerak."

✈️ @lidernotes
📷 @lidernotes

♾

Yil boshlanganiga 10 kun bo’libdi.

Kimdir shu usuldan foydalanyaptimi?

📖

💡6️⃣4️⃣ Boshlanishi oson bo’lsin!

Bir oyda shu 3ta kitobni yengil o’qib tugatdim. 100 varoqli kitoblar edi. Lekin bir dunyo ilm oldim.

Ba’zida kitob o’qishni boshlash qiyinlik qiladi va jasorat topib boshlaganimizda qiyin kitob tanlab qo’yamiz. Boshlanishiga shunaqa kam varoqli, yengil o’qiladigan kitoblar tanlaganimiz bizdagi kitob o’qish odatimizni shakllantirishda yordam beradi.

Kitob o’qish odatini shakllantirishingizda sizga nima yordam bergan?

✈️ @lidernotes
📷 @lidernotes

#101Maslahat

💡6️⃣3️⃣ Pul topish va o’rganish simbiozi!

✅ Pul topish sizga ko’proq erkinlik berib o’rganishga imkoniyat yaratsa;

✅ O’rganish sizga ko’proq pul topish imkoniyatini olib keladi.

Shu ikki simbiozni topish asosiy maqsadlarimizdan biri bo’lishi kerak!

✈️ @lidernotes
📷 @lidernotes

#101Maslahat

💡6️⃣2️⃣ Men haqimda hikoyacha.

Katta hayotga qadam qo’yib, kasb-hunarni boshlar ekanmiz 2ta narsa eng muhim ekan: 1) Pul topish; 2) O’rganish.

Agar shu ikkalasi ham yo’q bo’lsa unda tashlab ketish kerak. Ya’ni shu ikkalasidan birini beradigan joyni topishimiz va vaqtimizni behudaga sarflamasligimiz kerak ekan.

Bundan 5,5yil oldin, unversitetni oxirgi yili turli kompaniyalarga ishga topshirib yurgan paytlarim bitirishimizga yaqin bir kompaniyadan ish taklifini olganman. U payti qancha oylik olaman, ish boshlagandan keyin nima o’rganishim mumkin bular haqida o’ylab ham ko’rmaganman. Bir necha kun o’tib Appledan Part-Time sotuvchi ishiga ham taklif kelgan. Deyarli ikkala ishda ham bir xil maosh taklif qilingan edi. Yapon kompaniyalarida bor potensialimni ko’rsatib bera olmasligimni bilganim va Alloh dilimga Appleda ko’proq narsa o’rganishimni solgani uchun tavakkal shuni tanlaganman. Juda ko’p tafakkur qilamanki, agar o’shanda Full-time ish turganda Part-time ishga borib nima qilaman deb yapon kompaniyasiga ketganimda qisqa vaqt ichida balkim hozirgi yutuqlarga erishmagan bo’lardim.

Xulosa shuki, ehtiyojlarimiz va muammolarimizni faqat qisqa muddatga yechib beradigan qarorlar qabul qilishga shoshilmaylik!

✈️ @lidernotes
📷 @lidernotes

Mukammallik sari!

Ingliz tilida “Steps to excellence” (Mukammallik sari qadamlar) degan ibora bor va asosan bizness boshqaruvida qo’llash uchun o’ylab topilgan formula.

Formula quyidagicha ishlaydi: muammoning asl ildizini topish va unga mukammal yechim berish uchun eng kamida suratdagi shaklda 5 marta WHY (Nimaga) deb savol qo’yish kerak.

Menimcha bu formulani 3 yoshli farzandi bor odam o’ylab topgan bo’lishi kerak😁 Chunki o’g’lim doim nimadir bo’lsa kamida 5 marta WHY? deb so’raydi😂

✈️ @lidernotes
📷 @lidernotes