Bugungi kunda mamlakatimizda mahallalar infratuzilmasini yaxshilash, aholi uchun zamonaviy va munosib turmush sharoitlarini yaratishga alohida e’tibor qaratilmoqda.

Zomin tumanidagi Mustaqillik mahallasida ham hududni "Yangi O‘zbekiston qiyofasidagi mahalla”ga aylantirish maqsadida keng ko‘lamli bunyodkorlik va obodonlashtirish ishlari olib borilmoqda.

Amaliy ishlar doirasida ichki ko‘chalarni tartibga keltirish, muhandislik-kommunikatsiya tarmoqlarini yaxshilash va aholi uchun xavfsiz harakatlanish sharoitlarini yaratishga alohida e’tibor qaratilmoqda.

Xususan, ko‘chalar bo‘ylab zamonaviy piyodalar yo‘laklari barpo etilib, ularga maxsus qoplama plitalar yotqizilmoqda. Bu esa, ayniqsa, yomg‘irli va qorli kunlarda keksa yoshdagilar hamda bolalarning qulay harakatlanishiga imkon beradi.

Mahallada aholining bo‘sh vaqtini mazmunli tashkil etish va salomatligini mustahkamlash uchun ham zarur sharoitlar yaratilmoqda. Jumladan, bolalar uchun zamonaviy o‘yin maydonchalari, yoshlar va mahalla aholisi uchun esa ochiq havodagi sport maydonchalari barpo etilmoqda.

Shuningdek, hududda ekologik tozalikni saqlash, atrof-muhitni ko‘kalamzorlashtirish va ko‘chalar qiyofasini yanada obod qilish ishlari izchil davom ettirilmoqda.

Mazkur bunyodkorlik ishlari Mustaqillik mahallasining zamonaviy va ko‘rkam qiyofasini shakllantirish, aholi uchun qulay yashash muhitini yaratish hamda turmush sifatini oshirishga xizmat qilmoqda.