Xuddi Shunday

1950-yillarda AQShda qizlar orasida qiziq bir urf-odat bo‘lgan

Ular o‘z oyoqlariga bilaguzuk taqishgan. Agar uzuk chap oyoqqa taqilsa – qizning munosabatda ekanini, o‘ng oyog‘iga taqilsa – uning sevgilisi yo‘qligini anglatgan

Xuddi shunday ☑️

YANGI VIDEO KANALGA JOYLANDI⬇️
https://youtu.be/EocbZasvg54

Rixard Zorge — tarixdagi eng sirli va mashhur josuslardan biri. U Yaponiyada jurnalist va Germaniya tarafdori sifatida ko‘rinib, aslida Sovet Ittifoqi uchun razvedka ma’lumotlarini yig‘gan

Bugungi videoda Siz: Rixard Zorge aslida kimligi, U qanday qilib Germaniya elchixonasiga kira olgani, nega Sovet hukumati uni qutqarishga urinmagani va u qanday qilib yillar davomida Yaponiyada yashirin razvedka tarmog‘ini boshqargani haqida bilib olasiz

Xuddi shunday ☑️

🐾 Bu — barxan mushugi, Shimoliy Afrika va Yaqin Sharq cho‘llarida yashaydigan mitti yirtqich.

Videograf yovvoyi tabiatda bu yoqimtoy mushukchalardan iborat butun bir oilani tasvirga olishga muvaffaq bo‘ldi!

Xuddi shunday ☑️

❗️UZOQ KUTILGAN VIDEO CHIQDI:
https://youtu.be/NT0cuiWtWqA?si=uKQikx8wcgVZ9opW

Bugungi sonda 2023-yilning 23-24 iyun kunlari Rossiya tarixida yuz bergan eng xavfli voqealardan biri – "Wagner" xususiy harbiy kompaniyasining isyoni va Moskvaga yurishi haqida gap boradi

Yevgeniy Prigojin nima uchun minglab qurollangan jangchilarini poytaxtga qarab boshladi? Nima uchun uni "Putinning oshpazi" deb atashar edi? U qanday qilib isyon ko'tarishga qaror qildi o‘zi?

Video davomida Rossiya Mudofaa vazirligi (Shoygu va Gerasimov) bilan kelishmovchiliklar, Wagner jangchilarining Rostov-na-Donu shahrini egallashi, Lukashenko vositachiligidagi kelishuv va nihoyat, Prigojin samolyotining sirli ravishda halokatga uchrashi haqida barcha tafsilotlarni bilib olasiz. "Xuddi shunday" kanaliga obuna bo'ling, videoga layk bosing va o'z fikrlaringizni izohlarda yozib qoldiring!

Xuddi shunday ☑️

Vallabi — kengurular oilasiga mansub xaltali sutemizuvchi hayvonlar guruhi. Ular odatda kengurularga qaraganda ancha kichik bo‘lib, vazni 10 kilogrammdan oshmaydi.

Vallabilar kuchli orqa oyoqlari va uzun dumi yordamida sakrab harakatlanadi. Ular asosan Avstraliya va uning atrofidagi hududlarda yashaydi. 🦘

Xuddi shunday ☑️

1955-yilda Keniyada Britaniya mustamlakachiligiga qarshi Mau-Mau qo‘zg‘oloni davom etayotgan edi.

Qo‘zg‘olon 1952-yilda boshlangan bo‘lib, uning asosiy talablari yerlarning mahalliy aholiga qaytarilishi va Britaniya mustamlaka hukmronligiga barham berilishi edi. Britaniya hukumati bunga qarshi katta harbiy kuch yubordi. 1955-yilga kelib, qo‘zg‘olonchilar va britan qo‘shinlari o‘rtasidagi to‘qnashuvlar hamon davom etayotgan edi.

Suratda britan askarlari Keniyadagi qo‘zg‘olonni bostirish operatsiyasi vaqtida tasvirlangan. Bu davr keyinchalik Keniyaning mustaqillikka erishish yo‘lidagi eng muhim va eng bahsli sahifalardan biriga aylandi.

Xuddi shunday ☑️

🐻 Ayiqlar faqat go‘shtxo‘r emas!

Ayiqlar hammaxo‘r hayvonlar hisoblanadi. Ular yirtqich bo‘lishiga qaramay, ratsionining katta qismi o‘simliklardan iborat bo‘lishi mumkin.

🌿 Mevalar, ildizlar, o‘tlar va boshqa o‘simliklar ayrim ayiqlar oziqasining 75 foizigacha qismini tashkil etadi.

Xuddi shunday ☑️

1969-yil, Janubiy Vyetnam

Qo‘lida ukasini ko‘tarib turgan bola bir paytlar o‘z qishlog‘i bo‘lgan joyning vayronalariga qarab turibdi

Urush ortidan esa uylar emas, faqat xarobalar qolgan

Xuddi shunday ☑️

❗️VIDEO CHIQDI
https://youtu.be/lyQz2_mxXvo?si=1hjQPLx40rGTrHif

Yuriy Andropov — KGB rahbarligidan to‘g‘ridan-to‘g‘ri SSSRning eng yuqori hokimiyatiga ko‘tarilgan noyob siyosatchi

Bugungi sonda Siz nega Andropov SSSR tarixidagi eng qudratli KGB rahbarlaridan biriga aylangani, uning KGBdagi faoliyati, dissidentlarga qarshi siyosati, Afg‘oniston urushidagi roli va Brejnevdan keyin hokimiyat tepasiga kelishi qanday kechgani haqida bilib olasiz

Shuningdek, O‘zbekiston tarixidagi eng ko‘p muhokama qilinadigan mavzulardan biri — mashhur “Paxta ishi” haqida ham gaplashamiz

Xuddi shunday ☑️

1904-yilda Kongodan olib kelingan Ota Benga AQShga olib borildi. U avval Sent-Luisdagi Butunjahon ko‘rgazmasida, keyinchalik esa 1906-yilda Nyu-Yorkdagi Bronx hayvonot bog‘ida odamlar tomosha qilishi uchun namoyish etildi.

Uni maymunlar saqlanadigan hudud yaqinida, “ekzotik odam” sifatida ko‘rsatishgan. Bu voqea o‘sha davrdagi irqchilik, mustamlakachilik va insonlarni “ibtidoiy” deb tasniflashga asoslangan qarashlarning dahshatli namunasiga aylandi.

Xuddi shunday ☑️

Islandiyada tabiatni shunchaki tomosha qilib bo‘lmaydi — uni his qilish kerak.

Qora plyajlar, muzliklar, vulqonlar, sharsharalar va cheksiz kengliklar bu mamlakatni go‘yo boshqa sayyoradek ko‘rsatadi. Bu yerda inson tabiatning hukmdori emas, aksincha, uning yonidagi kichik bir mehmondek tuyuladi.

Xuddi shunday ☑️

1946-yil, Nyu-York.
Tug‘ruqxona xodimlari yangi tug‘ilgan uch egizakni baxtiyor otasiga ko‘rsatmoqda. O‘sha davr uchun uch egizak tug‘ilishi juda kam uchraydigan hodisa bo‘lgan.

Xuddi shunday ☑️

Svalbard — Arktikadagi noyob hududlardan biri.
Bu yerda qishda Quyosh bir necha oy davomida umuman ufqdan ko‘tarilmaydi. Bu hodisa qutb kechasi deb ataladi. Svalbardning eng yirik shahri Longyearbyenda qutb kechasi odatda oktabr oxiridan fevral o‘rtalarigacha davom etadi.

Ammo yoz kelganda hammasi aksincha bo‘ladi: Quyosh botmaydi va bir necha oy davomida tun bo‘lmaydi.

Xuddi shunday ☑️

Jeneva, 1985-yil, noyabr

AQSh prezidenti Ronald Reygan va SSSR rahbari Mixail Gorbachyovning ilk bor yuzma-yuz uchrashuvi

Xuddi shunday ☑️

Bronenosetslar tushgan quruq barglardan o‘z inlarida uya yasab, undan dam olish va bolalarini parvarish qilish uchun foydalanadi.
Tanasining o‘ziga xos tuzilishi sababli ular barglarni yig‘ishda g‘alati, ammo juda qiziq usuldan foydalanadi. Barglar in ichiga to‘planib, iliq va qulay to‘shama hosil qiladi.

Tabiatda ba’zan eng oddiy materiallar ham hayvon uchun juda foydali “qurilish materiali”ga aylanadi. 🍂

Xuddi shunday ☑️

Bu surat 1954-yilda Parijdagi psixiatriya klinikasida olingan. O‘sha paytda ruhiy kasalliklar haqidagi qarashlar bugungidan keskin farq qilardi.

Xuddi shunday ☑️

Saudiya Arabistonining ayrim cho‘l hududlari Mars manzaralarini eslatadi. Qizil-jigarrang qoyalar, ulkan qumtosh shakllari va cheksiz cho‘l kengliklari bu joylarni go‘yo boshqa sayyoraga o‘xshatib qo‘yadi.

Bu manzaralar millionlab yillar davomida shamol, yomg‘ir va eroziya ta’sirida shakllangan. Ayniqsa, Al-Ula atrofidagi g‘ayrioddiy qoyalar va vodiylar sayyoramizdagi eng noodatiy tabiiy landshaftlardan hisoblanadi.

Xuddi shunday ☑️

1914–1915-yillar. Ernest Shackleton boshchiligidagi britaniyalik tadqiqotchilar Antarktida sari ekspeditsiyada edi. Muzlar orasida qolib ketgan paytlarida ular shunchaki omon qolish bilan cheklanmay, bo‘sh vaqtlarida futbol ham o‘ynashgan.

Xuddi shunday ☑️

Hindistonning Madhya-Pradesh shtatida yashovchi 20 yoshli Bittu Ajnar daryosining ifloslanganidan xavotirga tushib, uni tozalashga o‘zi kirishdi. U yarim yildan ko‘proq vaqt davomida daryodan plastik, maishiy chiqindilar va boshqa axlatlarni qo‘lda yig‘ib chiqdi.

U Ajnar daryosining bir qismini ancha tozalagan, ammo odamlar yana daryoga chiqindi tashlay boshlagani haqida o‘zi ham gapirgan. Mahalliy hokimiyat endi uning ishiga qo‘shilgan: texnika bilan chiqindilarni olib tashlashda yordam bermoqda va daryoni tozalash bo‘yicha katta loyiha ham rejalashtirilgan.

Xuddi shunday ☑️

❗️O'zbek internet segmentida kam tilga olinadigan shaxslardan biri haqida video chiqazdik!!!

Mana havolasi: https://youtu.be/9D8JyPNXrmk?si=g5mWK9hgWCOG2Oer

Kim Chen In Shimoliy Koreyadagi eng qudratli inson. Ammo uning yonida deyarli har doim bir odam turadi. Unga boshqa amaldorlarga qaraganda ko‘proq ishoniladi va uning so‘zlaridan hatto yuqori lavozimli rahbarlar ham ehtiyot bo‘lishadi

Bu — Kim Chen Inning singlisi Kim Yo-Jong

Bugungi videoda Siz Kim Yo-Jongning bolaligi, Kimlar sulolasidagi o‘rni, akasi Kim Chen In bilan munosabatlari, siyosiy faoliyati va Shimoliy Koreya hokimiyatidagi ta’siri haqida bilib olasiz

Loyiha rivoji uchun videoni maksimal darajada tanishlarga jo'natib, izoh va layklar bilan qo'llab quvvatlab tashlang🫠

Xuddi shunday ☑️