😎
🔹سنه بیر ائششک آلمالی‌ییق
#شمس_تبریزی
▫️ایکی قارداش واریدی. بیری لوطو، بیری اؤز ایشینده اولان و باشی آشاغی.
▫️بیر گۆن لوطو قارداشی، لوطولوق جرمونه توتوب محکوم ائتدیلر. سورا گلیب قارداشی‌نین ائششگینی آلیب اونو میندیریب، شهری دولاندیردیلار.
لوطو قارداش دفعه‌لرله خطا ائله‌دی و دفعه‌لرله جزالاندی.
قاضی‌نین حکمو ایله هر دفعه ده گلیب بو قارداشین ائششگینی یوک آلتیندان چکیب، آپاریب لوطو قارداشی تنبیه ائتمک اۆچون شهری دولاندیریردیلار.
▫️نهایت بیرگۆن باشی آشاغی قارداش جانیخیب گلدی، لوطو قارداشینا دئدی:
آی قارداش، گؤرورم سنین الین بو ایشه اؤرگه‌شیب، ایندی سنه بیر ائششک آلمالی‌ییق!
▫️اقتباس اولوندو: مقالات شمس، ص ۱۵۴-۱۵۵
@xalasi
Post #1741
197
- 😁 9
- ❤ 1