Контракт тўлаш муддати 1-ноябргача узайтирилди.
2026/2027 ўқув йили учун олий таълим ташкилотларида тўлов-контрактни амалга ошириш ва талабалар сафига қабул қилишни расмийлаштириш муддати 1-ноябрга қадар узайтирилди.
Мазкур муддат бакалавриат ва магистратура босқичларига ўқишга тавсия этилган абитуриентлар, ўқиши кўчирилган ёки кўчириб тикланган, шунингдек, ўқишга қайта тикланган талабаларга тааллуқли.
Белгиланган муддатга қадар базавий тўлов-контракт суммасининг камида 25 фоизи, табақалаштирилган тўлов-контракт суммасининг эса камида 50 фоизи тўланиши лозим.
Шунингдек, 2026/2027-ўқув йилидан бошлаб давлат олий таълим ташкилотларининг бакалавриат босқичида кундузги таълим шаклида таҳсил олаётган педагог ходимларнинг фарзандлари учун контракт суммасининг 30 фоизини қоплаб бериш тартиби жорий этилган.
Мазкур имтиёздан фойдаланиш учун kontrakt.edu.uz платформаси орқали ариза юбориш талаб этилади.
Обуна бўлинг👉 @XABARLAR