кстати, напоминаю о существовании последования 11 часа. начало года тому способствует

***

ПОСЛЕДОВАНИЕ ЕДИНОНАДЕСЯТОГО ЧАСА, поемое, когда уже слишком поздно.

Благословен Бог наш:, и начало обычное. И абие псалом 69, Боже, в помощь мою вонми: един токмо, чтобы уже совсем не опоздать.

Слава, и ныне: Аллилуиа, трижды. И тропарь, глас 7:

Иже во единонадесятый час / иногда пришедшаго наемника приемый, / не отвержи и мене во внешнюю тьму / но сотвори мя единаго / от наемник Твоих.

Стих 1: Отвергл мя еси во глубины сердца морскаго, и реки обыдоша мя.
Стих 2: И да взыдет из истления жизнь моя ко Тебе, Господи Боже мой.

Слава, и ныне, Богородичен:

Надежда глаголешися ненадеемых, / и радование небесных чинов, / окованным нищетою и железом, / и нам чадом Твоим истинный покажи Свет, / возсиявый от Тебе, Дево Чистая, / да по благости Твоей и на нас / исполнятся слова Исайины.

Наг есмь чертога, наг есмь и брака, купно и вечери; светильник угасе, яко безъелейный, чертог заключися мне спящу, вечеря снедеся, но присно Сый и такожде Сый, в вечности приими мя Твоей.

По Отче наш, кондаки сия, глас 2:

Аз есмь дева единонадесятая, Христе, / паче десяти сестер моих закоснех, / вне стою толкущи чертога, / взывающи к Тебе, Женише: / еда повесть кто во гробе милость Твою? / но врата ми, рыдаю, отверзи Царствия.

Слава: Душевною леностию воздремався, не стяжах, Женише Христе, горяща светильника иже от добродетелей, и девам уподобихся буим, во время делания глумляся: утробы щедрот Твоих не затвори мне, Владыко, но оттряс мой омраченный сон, возстави, и с мудрыми введи девами в чертог Твой, идеже глас чистый празднующих и вопиющих непрестанно: Го́споди, слава Тебе.

И ныне: Премудрость Божию вместила еси, Дево всепетая, / не отвержи и ныне моления / девы безумныя.

Господи помилуй, вi, зело борзяся. Иже на всякое время: конец обычный, и молитву сию:

Господи мой и Творче,
пред Егоже очима тысяща лет, яко день вчерашний,
в коемжде времене тойжде Сый,
не затворивый утробы благости Своея Манассии,
ниже презревый слез Езекииных,
приемый наемник единонадесятого часа,
и тем богатою Твоею мерою воздавый.
Аще и тем не поревновах,
но по исполнении всяческих приидох к Тебе, Владыко,
обаче молю Ти ся:
да не яко овцу упасет мя смерть,
ниже да пожрет мене глубина,
ниже сведет о мне ровенник уст своих,
но избави мя от руки адовы,
да во свете Лица Твоего пойду
и о Имени Твоем выну возрадуюся,
аминь.