5️⃣ Пасля выбараў адразу праводзіцца пераварот. Замест таго, каб прыняць справаздачу КР-2 і працягваць яе працу, усё перакрэсліваецца і пачынаецца з нуля. У выніку мы нават не ведаем, што КР-2 рабілі цэлы год. Якая справаздача працоўных груп і камісій? Інфармацыя з сайта вельмі хуценька прыбіраецца, нібыта і не было. Статут КР змяняецца пад новы склад агентаў. Дарэчы, змяняць законы "пад сябе" таксама адпрацаваны ход. Гэта рабіў лукашэнка як заняў пасаду прэзідэнта. Тыя людзі, якія можа раней бы што і сказалі, пасля ператрасаў і ціску з боку хунты ўжо ціхонька сядзяць. Не баяцца актыўна выступаць і займаць пасады альбо тыя, супраць каго ўжо заведзены ўсе магчымыя крымінальныя справы, альбо агенты КДБ.
6️⃣ З маўклівай згоды прымаецца паперка, якая фактычна ліквідуе ўсю самастойнасць і незалежнасць КР, стварае максімальна неэфектыўную сістэму прыняцця рашэнняў, каб выключыць любую магчымасць некантраляваных дзеянняў. Агенты КДБ задаволеныя, баязліўцы маўчаць, бо яны ўжо і самі згодныя не высоўвацца, каб ім не было горш.

Усё, прафіт!
Падкрэсліваю, што КДБ не зацікаўлена ў тым, каб цалкам знішчыць арганізацыю, каб яна перастала існаваць і на пустым месцы з'явілася нешта іншае. Ім трэба зрабіць так, каб яе эфектыўнасць была 0, каб вынікаў працы не было. А дзейнасць будзе! Мітынгі, сустрэчы, інтэрв'ю, громкія заявы... да што заўгодна, галоўнае каб з нулявым выхлапам. Далей некаторыя чальцы самі будуць расчароўвацца і сыходзіць, давер і падтрымка з боку простых беларусаў таксама сыходзіц на 0. Але месца занята і стварыць новую падобную арганізацыю ўжо значна складаней.

Вось скажыце, чым гэта не план КДБ? Можа я ў чым памыляюся і не разумею? Можа КР-3 - гэта вынаходка для беларусаў, яны ўсё робяць правільна і я не правы?

Я звяртаюся да тых чальцоў КР, якія раней былі вайскоўцамі і ваявалі ва Украіне, а зараз у КР.
Калі б ваша кіраўніцтва 30 дзён прымала рашэнне, патрэбна вам страляць ці не, скажыце, вы былі б зараз жывыя? Ці было б жывое тое кіраўніцтва Украіны? Ці існавала б наогул Украіна? Дык якога ляду вы прынялі такі закон, па якому вам патрэбна 30 дзён на прыняцце рашэнняў? Навошта вы самі здалі сваю незалежнасць? Вы за што і за каго ваюеце?

А гэты пратакол як доўга вы прымалі? Не думалі прыняць яго як раз у адпаведнасці з яго тэкстам? Адразу б і праверылі, як ён працуе. Ця спяшаліся да канферэнцыі і не да законаў было?

Неэфектыўныя сістэмы кіравання ўжо былі ў гісторыі нашай краіны, і я не разумею, якім чынам дарослыя і адукаваныя людзі маглі зрабіць нешта падобная у наш час, калі ідзе вайна, калі стаіць пытанне існавання нашай дзяржавы і нацыі. Ці гэта поўная бздура, ці гэта здрада Беларусі.

Не, дзяўчаткі і хлопчыкі, не атрымаецца ні ў каго з вас адсядзецца з краю. Усе вашыя прозвішчы вядомыя, усе вашыя твары мы ведаем. Альбо вы пачынаеце выпраўляць сітуацыю, альбо чакайце праклёнаў ад беларусаў, бо хутка ўсе зразумеюць, хто вы такія. Варыянты дзеянняў у вас яшчэ ёсць. Калі не гатовыя змагацца, дык прасіце выбачэнне перад усім народам і сыходзьце з КР.

Вы, як і лукашэнка, перарабілі Статут КР пад сябе, хаця ні ў каго з вас у перадвыбарчых праграмах не было нічога пра гэта. Якія цяпер могуць быць апраўданні? Альбо вы паказваеце эфектыўную працу, альбо вы здраднікі і прабачэння вам не будзе. Гендарныя зніжкі мы вам рабіць таксама не будзем.

<- Старонка 4 | Старонка 6 ->