VOLNY CHOR / ВОЛЬНЫ ХОР

Вольны Хор прэзентуе дыпціх на словы Максіма Знака: Белая пена і Хваля.

Харавое гучанне аўтарскіх песень надае новыя фарбы, але застаюцца важныя сэнсы. У родным краі не спыняюцца рэпрэсіі, а мы не спыняемся пра гэта казаць і спяваць.

...Можаш скаваць ланцугамі
Можаш забіць нас, застрэліць
Белую пену на хвалях
Белая пена заменіць...

Адзін з чальцоў Вольнага Хору паўдзельнічаў у падкасце Talk Eastern Europe, дзе распавёў англамоўнай аўдыторыі сваю гісторыю, гісторыю хора і беларускага пратэсту.

Размова пра музыку, супольнасць, Беларусь і тое, як культура дапамагае заставацца разам нават далёка ад дому.

Сёння мы звяртаемся да вас не толькі як хор, але як людзі, аб'яднаныя голасам, даверам і агульнай гісторыяй.
Наша дырыжор, Галіна Казіміроўская, зараз сур'ёзна хварэе. Для нас яна - не проста кіраўнік, а сэрца хору, чалавек, які дапамог нам гучаць разам і не баяцца быць пачутымі.

Цяпер ёй патрэбна падтрымка. Мы будзем удзячныя кожнаму, хто зможа адгукнуцца і дапамагчы.
Падрабязнасці і магчымасць падтрымаць на bysol.org

Нават невялікая дапамога - гэта ўжо ўклад. А яшчэ - рэпост, словы падтрымкі, увага. Дзякуй.

Дзякуй, Гданьск! ✌🏻
#дзеньволі #жывебеларусь

Прэм’ера песні «Паўстань, народ» (музыка Міколы Куліковіча, словы Янкі Купалы) прагучала падчас канцэрта на Дзень Волі ў Гданьску.

Гэты твор быў знойдзены ў архівах Беларускай бібліятэкі і музея імя Францыска Скарыны ў Лондане і, як і шмат іншых твораў з нашага рэпертуару, вяртаецца ў музычную прастору з забыцця і забароны.

Віншуем з Днём Волі!
Няхай жыве магутны, сьмелы наш беларускі вольны дух!
Верым у Незалежную/Вольную Беларусь! Нясем яе ў нашых сэрцах, у нашых думках, у нашых песнях!
Жыве Беларусь!!!

VOLNY CHOR / ВОЛЬНЫ ХОР pinned a photo

НАША ПЕСЬНЯ — прэзентацыя альбома Вольнага Хору да Дня Волі 🤍❤️🤍


Гэты канцэрт пра тое, што мы называем домам.
Пра галасы, якія нельга забараніць.
Пра памяць, што жыве ў нас.
Пра Беларусь — не толькі на мапе, а ў сэрцы.
Пра нас — раскіданых па свеце, але ўсё яшчэ разам.

📍 Gdańsk, ECS (ogród zimowy)
🗓 25 сакавіка, 19:30
🎟 Уваход вольны

Пакуль гучыць Наша песьня - Мы ёсць.

Жыве Беларусь 🤍❤️🤍

Чым сёння жыве Вольны Хор, што такое харавое Пагружэнне, якія выклікі стаяць перад Школай Равенскага? Пра гэта і не толькі глядзіце інтэрв'ю з кіраўніком і дырыжорам Вольнага Хору - Галінай Казіміроўскай.

Дарагія сябры!
Мы прапануем вам падтрымаць праекты, якія рэалізуюцца дзякуючы дзейнасці Фонда Вольны Хор і просім перавесці 1,5% падаткаў на дапамогу нашаму фонду.

Фонд “Volny Chor” – гэта зарэгістраваная ў Польшчы некамерцыйная арганізацыя (FUNDACJA „VOLNY CHOR”).
Асноўная місія – падтрымка і развіццё беларускай культуры, захаванне беларускай музычнай спадчыны, а таксама арганізацыя культурных і адукацыйных праектаў. Фонд працуе, як легальная платформа для канцэртаў, культурных праграм і грамадскіх ініцыятыў.

Мы яшчэ не маем статусу OPP таму збіраем грошы праз фонд https://fanimani.pl/volnychor/
Для таго каб пералічыць частку вашых падаткаў трэба ўпісаць у вашай падатковай дэкларацыі нумар KRS і нумар мэты:
KRS na potrzeby 1,5%: 0000507234
Cel szczegółowy: 138509

Праекты фонда:
http://volnychor.com/
shkolaravenskaga.pl

Дзякуй!

“Грай” у выкананні Вольнага Хору у навагоднім выпуску на Belsat

Навіны, якіх мы чакалі больш за 5 гадоў!
Ужо не ў лапах дыктатара столькі нашых родных беларусаў!
Вітаем вас! Абдымаем вас!
Дзякуй, што жывыя, дзякуй, што ў бяспецы!
Не разбіць! Не спыніць! Не стрымаць!
Жыве Беларусь!

Дзякуй, Берлін!
Мы адчулі вашу ўвагу і салідарнасць.
Для нас гэта не проста выступ — гэта магчымасць гаварыць пра тое, што ў Беларусі па-ранейшаму адбываецца несправядлівасць, гвалт і пераслед. Мы выступаем для людзей, якія не могуць гаварыць самі. І пакуль яны за кратамі, мы будзем спяваць і сведчыць праўду.

Дзякуй EVZ Foundation за ўвагу да Беларусі і за магчымасць быць пачутым беларускаму голасу.

Спяваем - перамагаем!
Жыве Беларусь ✌🏻

У Берліне, 2 снежня, мы падтрымалі асаблівую імпрэзу – 25 гадоў Фонду “Памяць, адказнасць, будучыня”, які падтрымлівае тых, хто ацалеў у нацыянал-сацыялістычным пераследзе.

Перад цырыманіяльным актам Прэзідэнт Штайнмаер выступіў перад тымі, хто ацалеў ад нацыянал-сацыялістычнага пераследу з Украіны, Беларусі, Польшчы, Чэхіі, Ізраіля і Германіі.

«Беларусь сёння» — гэта асаблівая праграма Вольнага Хору, прысвечаная ўсім палітычным зняволеным, якія працягваюць знаходзіцца за кратамі ў беларускай турэмнай сістэме. Праз выступ-перформанс мы распавядаем пра масавыя пратэсты і хвалю затрыманняў, пра гвалт, катаванні, забойствы і беспрэцэдэнтныя парушэнні правоў тысяч беларусаў.

З праграмай «Беларусь сёння» Вольны Хор выступіць у Берліне.

Мы не маўчым, не спыняемся, не адварочваемся ад сваёй краіны. Беларусь мусіць быць пачута.

🗓️ 3 снежня
⏰ 19:00
📍 St.-Bartholomäuskirche, Friedenstraße 1, 10249 Berlin (M4, Bus 200 Am Friedrichshain/Greifswalder Str.)
🎟️ Уваход вольны!

Жыве Беларусь ✌🏻

Дзе наш край?
3-га снежня адбудзецца канцэрт Вольнага Хору ў Берліне.

У гэты вечар мы запрашаем вас на канцэрт, а таксама дыскусію з удзелам кіраўніка Вольнага Хору Галінай Казіміроўскай, даследчыцы, фатографа і эсэісткі Olga Bubich, каардынатара праектаў у няўрадавай арганізацыі Educat Kollektiv Mascha Wilke.

Дата: 3 снежня 2025, 19:00
Месца: St.-Bartholomäuskirche, Friedenstraße 1, 10249 Berlin (M4, Bus 200 Am Friedrichshain/Greifswalder Str.)
Уваход вольны!

Калі музыка становіцца пратэстам і спосабам стаяць за свае правы!