⚡️Расійскія ўдарныя дроны зноў заляталі ў Беларусь з боку Украіны

З 13 па 15 кастрычніка ў Гомельскую вобласць заляцелі як мінімум пяць расійскіх ударных беспілотнікаў, паведамляе «Флагшток».

Дроны праляталі праз Брагінскі, Добрушскі, Гомельскі і Лоеўскі раёны, рухаючыся ўздоўж беларуска-ўкраінскай мяжы.
Некаторыя беспілотнікі з Беларусі накіроўваліся ў бок Кіеўскай і Жытомірскай абласцей Украіны.

Паводле выдання, расійскія дроны могуць выкарыстоўваць прыгранічную тэрыторыю Беларусі як прыкрыццё.
Жыхары Гомельскага памежжа рэгулярна чуюць магутныя выбухі, ад якіх дрыжаць вокны і сцены дамоў.

Паводле меркавання аўтараў матэрыялу, выбухі могуць быць звязаныя са спробамі ўкраінскіх вайскоўцаў збіваць беспілотнікі на суседняй тэрыторыі.