⚡️Расійскі дрон-боекамплект «Бандэроль» зноў заляцеў у Беларусь

16 кастрычніка расійскі боепрыпас перасёк мяжу і праляцеў праз Брагінскі раён Гомельскай вобласці. Паводле канала «еРадар», беспілотнік заляцеў у Беларусь каля 9:05, а праз пяць хвілін вярнуўся ва Украіну. Ён паляцеў у бок Чарнігава, пасля чаго знік з назірання ў раёне Славуціча.

«Бандэроль» — рэактыўны ўдарны беспілотнік для атак па інфраструктуры. Папярэдні падобны залёт у Беларусь фіксавалі ў жніўні, паведамляе «Флагшток».