«Нікуды ён ад нас не дзенецца»: Лукашэнка "пажартаваў" над Пашынянам

На саміце СНД у Туркменістане саманазначаны Лукашэнка, стоячы побач з прэм’ерам Арменіі Ніколам Пашынянам і прэзідэнтам Азербайджана Ільхамам Аліевым, паляпаў армянскага лідара па плячы і сказаў: «Нікуды ён ад нас не дзенецца».

Чорны жарт прагучаў з адценнем пагрозы на фоне імкнення Арменіі дыстанцыявацца ад Масквы. Бо Ерэван замарозіў удзел у АДКБ, пашырае супрацоўніцтва з ЕС і заявіў пра пачатак працэсу збліжэння з Еўрасаюзам.

У постсавецкай палітыцы такія словы гучаць асабліва красамоўна, калі іх прамаўляе саюзнік Крамля пра краіну, якая імкнецца выйсці з расійскай арбіты.