❗️Іх рыхтавалі да свабоды — а потым прымусілі вярнуцца ў камеры

Больш за 10 беларускіх палітвязняў 16 верасня падрыхтавалі да вызвалення: аформілі дакументы, сабралі рэчы і загадалі чакаць транспарт.

Некаторыя нават паспелі раздаць свае рэчы іншым зняволеным, паверыўшы, што нарэшце выходзяць на волю. Але праз некалькі гадзін вызваленне адмянілі без тлумачэння прычын, а вязняў вярнулі ў атрады.

Праваабаронцы адзначаюць, што пасля гэтага ў некаторых рэзка пагоршыўся псіхалагічны стан і спатрэбілася медыцынская дапамога. Бо гэта не проста жорсткая псіхалагічная гульня — падобныя дзеянні могуць мець прыкметы бесчалавечнага або зневажальнага абыходжання.