🇷🇺🇧🇾🇰🇿🇰🇬🇹🇯🇺🇿 Шэсць краін СНД будуць абменьвацца дадзенымі пра «тэрарыстаў і экстрэмістаў»

Генпракуроры Расіі, Беларусі, Казахстана, Кыргызстана, Таджыкістана і Узбекістана падпісалі пагадненне аб супрацоўніцтве ў барацьбе з «тэрарызмам і экстрэмізмам».Краіны будуць аператыўна абменьвацца інфармацыяй пра арганізацыі, групы і асобаў, якіх яны лічаць тэрарыстычнымі або экстрэмісцкімі.

Таксама прадугледжаны абмен звесткамі пра магчымыя тэракты, незаконныя ўзброеныя фарміраванні і міжнародныя кантакты такіх груп.

Акрамя таго, бакі будуць перадаваць адзін аднаму інфармацыю пра гандляроў зброяй і наркотыкамі, гандаль людзьмі і арганізатараў незаконнай міграцыі.

У дакуменце гаворыцца пра пагрозы бяспецы і «палітычнай, эканамічнай і сацыяльнай стабільнасці» дзяржаў.