Мокшень кялень лагерть пингста Никита ученикозе, кона эряй Рязаньца, тердемазь мархтонза походс. Монь мялезень эстокиге салазе вастсь – Рязань аймаконь Мещерань модатне. Тя вастса эрясть кунардонь пингонь финно-угрань пляматне.
И вов, сентябрть васенце ваймама шистонза минь срхкаме: мон Саранскяйста, оцюшкасна Москуста и нинге колма ломатть Рязаньцта.

Конашкава мазы Мещерань вирсь! Сёксесь нинге аф пачк сувась азорондай вастозонза, но няфнесыне ни пильгокинзон тюжяза лопанясонза, сюнерьготф менельсонза, кельме пиземсонза. Якстеряза ведензон аф эряскодозь кандсыне Пра ляйсь.
Стяфтоме палаткат, анокламе шрат, ушедоме пидема. Тя ульсь эряфсон васенце походсь палатка мархта. Мялезон тусь сембось. Но сембода пяк – ломаттне. Афкуксонь казне, мес эряфсь (мокшень кяльсь) васьфнесамань мархтост!