Ня шитнень тейне сёрмадсь Тольяттиста аваня, конань улихть мокшень юронза. Сон покоди идень библиотекаса и ёрай няфтемс шабатненди, кода кайги мокшень кяльсь. Эняльдсь ётафтомс и морафтомс пялькс карьнятнень колга ёфксста. Васенда няфтьсы шабатненди мокшень видеоть, а сяльде ванцазь ёфксть рузкс.
Тяфтама ёфкс морафтонь☺️:

Моли Настанясь велева, а сонць аварди. Велеть песа пялес калада кудняста каршезонза лиссь Ведунбабась. Сон фалу якась равчса и семботь сембонь колга содазе. Велеряйхне пельсть эздонза, сяс Варвара бабань тяфта и лемнезь.
– Коза сърхкать, стирняй? -мштерьфтезе пейфтома кургонц Ведунбабась.
- Кстыенкса молян…
– А мес ина авардят, матаняй?
- Од тядязе ичкоздень вири кучемань. Пелян юман, куду аф мрдан…
Шарьхкодсь Варвара баба, што Марьша ёрай юмафтомс-арафтомс стиренц. Таргась повстонза карьхть и тошказевсь:
- Эрь-ка сявить, стирняй. Кодак пяшкодьсак кептерняцень, пильгонязт каряйть. Архт аф пелезь, тят пеле, а тонць корхтак: «Карьнят-карьнят, аф кувакат, аф нюрьхкянят!».