Nega bu sammit muhim?

21–22-oktyabr kunlari Samarqand shahrida “Bolalar farovonligiga investitsiya: kelajak avlodlar uchun barqaror va adolatli taraqqiyot sari yo‘l” mavzusida Butunjahon sammiti bo‘lib o‘tadi.

Sammit 100 dan ortiq mamlakat vakillarini birlashtirib, bolalar farovonligini ta’minlashga xizmat qiluvchi eng muhim yo‘nalishlar bo‘yicha tajriba almashish va samarali yechimlarni muhokama qilish uchun xalqaro maydon yaratadi.

Unda:
• bolalarga yo‘naltirilgan ijtimoiy himoya;
• integratsiyalashgan qo‘llab-quvvatlash;
• sog‘liqni saqlash;
• bolalar onkologiyasi;
• erta rivojlanish;
• inklyuziv ta’lim masalalari muhokama qilinishi kutilmoqda.

Sammitning asosiy maqsadi — turli mamlakatlarning ilg‘or tajribasini birlashtirish, amaliy yechimlarni ilgari surish va bolalar manfaatini markazga qo‘ygan yangi hamkorlik mexanizmlarini shakllantirish.

Shuningdek, sammit yakunida Samarqand deklaratsiyasini qabul qilish rejalashtirilgan.

Mazkur hujjat bolalar farovonligi bo‘yicha umumiy ustuvor yo‘nalishlarni belgilash va kelgusidagi xalqaro hamkorlik uchun muhim asos bo‘lishi kutilmoqda.

Bugungi sarmoya — ertangi avlod kelajagi.

Batafsil ma’lumot:
investinchildren.uz
Ijtimoiy tarmoqlarimiz:
https://taplink.cc/investinchildren