🔴 Совет даври қарашлари ва «Ўлмас полк» билан танилган фуқаро Азиз Ҳакимов 4 йилга қамалди

Интернетда совет даври йўналишидаги қарашларни тарғиб қилиши ҳамда «Ўлмас полк» тадбирларини ташкил этишдаги иштироки билан танилган фуқаро Азиз Ҳакимов 4 йил муддатга озодликдан маҳрум қилинди.

Суд Ҳакимовни урушни тарғиб қилиш моддаси бўйича оқлаган. Бироқ у туҳмат, ҳақорат ҳамда миллий адоват қўзғатиш билан боғлиқ моддалар бўйича айбдор деб топилган.

Суд ҳукмига кўра, Ҳакимов жазони манзил-колонияда ўтайди. У 2025 йил сентябр ойида ҳибсга олинган эди. Тергов ҳибсхонасида ўтказган вақти жазо муддатидан ҳисобланиши сабабли, Ҳакимов яна уч йилдан кўпроқ муддат жазо ўташ қолади.

Шунингдек, Азиз Ҳакимов муаллифлигидаги Comrade_Aziz Telegram-канали блокланади.

Telegram |Instagram |  You Tube | Facebook | X