⚠️ DIQQAT! HEAVYGRAM: Telegram orqali boshqariluvchi josuslik zararli dasturi sizning ham qurilmangizda bo‘lishi mumkin!

💻 HEAVYGRAM — Windows operatsion tizimida ishlovchi, zararlangan qurilmani masofadan boshqarish va undagi maxfiy ma’lumotlarni yig‘ishga mo‘ljallangan josuslik turidagi zararli dasturdir. Uning o‘ziga xos jihati shundaki, zararli dastur an’anaviy alohida boshqaruv serveridan foydalanish o‘rniga Telegram messenjerining botlari va API imkoniyatlaridan buyruqlarni qabul qilish hamda o‘g‘irlangan ma’lumotlarni uzatish uchun foydalanadi.

⚡️ Mutaxassislarning ma’lumotlariga ko‘ra, HEAVYGRAM bilan bog‘liq faoliyat 2023-yil kuzidan buyon kuzatib kelinmoqda. Mazkur hujumlarda jurnalistlar, hukumatga muxolif qarashdagi shaxslar va boshqa muayyan nishonlar ko‘zlangan. Tadqiqot davomida zararli dasturga tegishli qo‘shimcha namunalar, yuklovchi dasturlar va boshqa komponentlar ham aniqlangan. Mutaxassislar HEAVYGRAM faoliyatini Handala Hack guruhi bilan bog‘lash ehtimolini o‘rtacha darajadagi ishonch bilan baholagan.

✈️ AQSh Federal qidiruv byurosi (FBI) Telegram’dan zararli dasturlarni yetkazish va boshqarish uchun foydalanilgan hujumlar haqida ham ma’lumot bergan. FBI ma’lumotlariga ko‘ra, bunday hujumlarda jurnalistlar va davlatga muxolif shaxslar nishonga olingan, ayrim zararli dasturlar esa Pictory, KeePass yoki Telegram kabi qonuniy dastur va xizmatlar niqobi ostida tarqatilgan.

📱 Batafsil

🚀 Kiberxavfsizlik markazining UZCERT xizmati