Bosh prokuratura

Самарқанд вилояти прокурори М.Эшназаров томонидан камбағалликни қисқартириш, тадбиркорликни қўллаб-қувватлаш бўйича ҳудудларда амалга оширилаётган ишлар ўрганилмоқда.

Хусусан, Оқдарё тумани "Аваз али" маҳалласидаги камбағаллик реестрида турувчи фуқароларнинг мурожаатларини ҳал этиш, тадбиркорликни қўллаб-қувватлаш бўйича амалга оширилаётган ишлар аҳволи билан яқиндан танишилди ва фуқаролар билан яқиндан суҳбатлашилди.
 
Мулоқот чоғида фуқароларни банд қилиш, тадбиркорлик ташаббусларини қўллаб-қувватлаш ҳамда қўшимча даромад манбаларини яратиш юзасидан чора-тадбирлар белгиланди.

Шунингдек, мазкур маҳаллада камбағалликни қисқартириш ва аҳоли даромадларини ошириш, камбағаллик реестрида турувчи фуқароларни бандлигини таъминлаш ҳамда тадбиркорликни қўллаб-қувватлаш бўйича ташкил этилган штаб фаолияти ва маҳаллалардаги масъулларнинг бу борада хонадонбай ишлаши аҳволи жойига борган ҳолда кўриб чиқилди.
 
Якунида, масъулларга аниқланган камчиликлар ва келгусида амалга оширилиши лозим бўлган ишлар юзасидан топшириқ ва кўрсатмалар берилиб, ижроси назоратга олинди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt|Telegram | Instagram | YouTube | Facebook

Қорақалпоғистон Республикаси прокуратураси ва Бердақ номидаги Қорақалпоқ давлат университети ўртасидаги ҳамкорлик меморандуми доирасида университетнинг «Бўлажак прокурорлар клуби» аъзолигига номзодлар учун прокуратура органларига ташрифи ташкил этилди.

Талабалар Қорақалпоғистон Республикаси прокурори Ш.Аминов билан учрашиб, прокуратура органларининг вазифалари, қонунийликни таъминлаш, фуқаролар ҳуқуқ ва эркинликларини ҳимоя қилиш, шунингдек, хизматни ўташ тартиби ва соҳага қўйиладиган талаблар ҳақида маълумот олдилар.

Учрашувда назарий билимлар билан бир қаторда амалий тажрибанинг касбий тайёргарликдаги аҳамияти таъкидланди.

Ташриф давомида талабалар прокуратура ҳузуридаги «Тергов полигони» билан танишиб, тергов ҳаракатларини ўтказиш, далилларни аниқлаш ва қайд этиш, ҳодиса жойини кўздан кечириш ҳамда жиноятларни тергов қилишда қўлланиладиган усул ва воситалар ҳақида тасаввурга эга бўлдилар.

Шунингдек, прокуратура органлари тарихи ва фаолиятига бағишланган музейни томоша қилиб, тизимнинг шаклланиши, ривожланиши ва қонунийликни таъминлашдаги ўрни ҳақида маълумот олдилар. Улар ходимлар учун яратилган шароитлар, жумладан, спорт зали фаолияти билан ҳам танишдилар.

Ташриф якунида талабалар ўзларини қизиқтирган саволларга жавоблар ва касбий фаолиятга оид тавсиялар олдилар.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt|Telegram | Instagram | YouTube | Facebook

“Хавфсиз талаба” платформасини жорий этиш ҳамда талабалар хавфсизлиги масалалари муҳокама қилинди.

Ўзбекистон Республикаси Президентининг 2026 йил 11 сентябрь куни Олмазор туманидаги “Ёшлик” талабалар шаҳарчасида ташкил этилган “Вазиятлар маркази” фаолияти билан танишиш чоғида берган топшириқлари ижросини таъминлаш масалалари юзасидан Жиззах вилоятида семинар-йиғилиш бўлиб ўтди.

Семинарда Бош прокуратура, Ички ишлар вазирлиги ҳамда Таълим ва илм-фан вазирлигининг масъул ходимлари, шунингдек, вилоятдаги олий таълим ташкилотлари ректорлари иштирок этди.

Бунда, вилоятда мавжуд олий таълим муассасаларида “Хавфсиз талаба” дастурини ишга тушириш масаласи муҳокама қилиниб, келгусидаги вазифалар белгилаб олинди ҳамда жорий йил якунига қадар вилоятдаги муассасаларни тўлиқ рақамлаштириш топшириғи берилди.

Бундан ташқари, йиғилиш иштирокчиларига ушбу платформанинг ва унинг мобил иловаси имкониятлари тақдим этилди.

Йиғилиш якунида олий таълим ташкилотлари кесимида аниқланган камчиликлар юзасидан масъулларга тегишли тушунтиришлар берилиб, уларни қисқа муддатларда бартараф этиш бўйича аниқ топшириқлар белгилаб олинди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt|Telegram | Instagram | YouTube | Facebook