Elit OCHL. "Neftchi" Ar-Riyodda "An-Nasr"ga imkoniyatni boy berdi (GOLLAR VIDEOSI)

Farg‘onaning "Neftchi" klubi Elit OCHL 2-turida safarda Saudiya Arabistonining "An-Nasr" jamoasiga 1:3 hisobida mag‘lub bo‘ldi.

Ar-Riyoddagi uchrashuvda mezbonlar birinchi bo‘limdayoq Anjelo va Krishtianu Ronalduning gollari evaziga ikki to‘p farqi bilan oldinga chiqdi.

Tanaffusdan so‘ng zaxiradan maydonga tushgan Alisher Odilov 51-daqiqada "Neftchi"ning javob golini urdi. Biroq 65-daqiqada Ikrom Aliboyev qizil kartochka olib, farg‘onaliklarni bir kishi kam qoldirdi.

78-daqiqada Anvarjon G‘ofurov to‘pni o‘z darvozasiga yo‘llab qo‘ydi va yakuniy hisob 3:1 ko‘rinishini oldi.

Shu tariqa, "Neftchi" Elit OCHLdagi dastlabki mag‘lubiyatini qabul qilib oldi va ikki turdan so‘ng 3 ochkoga (7-o'rin) ega bo‘lib turibdi.

🏦O‘zbek va jahon sportiga oid eng so‘nggi yangiliklar: @Uzasport