Ustoz Abdulloh domla

#ЯНГИЛИКЛАР

🟢ИЛМ — ЖАННАТ ЙЎЛИ, УСТОЗ ЭСА ЙЎЛБОШЧИ!

🗓Бугун, 25 сентябрь куни Наманган вилояти бош имом-хатиби, Уламолар Кенгаши аъзоси Абдуллоҳ домла Саматов Давлатобод туманидаги “Юсуфхон ўғли Қосимхон” жоме масжидида жума намозини адо этдилар.

🕌 Жума намозидан аввал Абдуллоҳ домла томонларидан «Илм — жаннат йўли, устоз эса йўлбошчи! Вақтни ғанимат билайлик!» мавзусида жамоатга манфаатли ва таъсирчан маъруза қилинди.

📚 Суҳбат давомида илмнинг инсон ҳаётидаги ўрни, устозларни ҳурмат қилиш, уларнинг насиҳатларига амал қилиш ҳамда инсон умрининг энг қимматли бойлиги бўлган вақтни ғанимат билиб, ундан унумли фойдаланиш зарурлиги ҳақида сўз юритилди.

⏳ Зеро, вақт — қайтиб келмайдиган неъмат. Инсон илм, эзгу амал ва фойдали ишлар билан умрини мазмунли ўтказиши лозим.


🤲 Аллоҳ таоло барчамизни илмга муҳаббатли, устозларга ҳурматли ва вақтини қадрлайдиган солиҳ бандаларидан қилсин!

Яқинларингизга ҳам улашинг!

👇👇
✅https://t.me/UstozAbdulloh_domla

#ЭЪЛОН

🌙 НАМАНГАН ВИЛОЯТИ БОШ ИМОМ-ХАТИБИ АБДУЛЛОҲ ДОМЛА САМАТОВ ДАВЛАТОБОД ТУМАНИ "ЮСУФХОН ЎҒЛИ ҚОСИМХОН” ЖОМЕ МАСЖИДИДА ЖУМА НАМОЗИНИ АДО ЭТАДИЛАР.

✅ Бугун, 25 сентябр куни Наманган вилояти бош имом-хатиби, Уламолар Кенгаши аъзоси Абдуллоҳ домла Саматов Давлатобод туманидаги “Юсуфхон ўғли Қосимхон” жоме масжидида жума намозини адо этадилар.

🕌 Жума намозидан аввал Абдуллоҳ домланинг барчамиз учун манфаатли суҳбатларидан баҳраманд бўламиз.

#жума #масжид

Яқинларингизга ҳам улашинг!

👇👇
✅https://t.me/UstozAbdulloh_domla

#Янгиликлар

🟢ИМОМ-НОИБЛАР ИШТИРОКИДА НАВБАТДАГИ ЙИҒИЛИШ ЎТКАЗИЛДИ

✅Бугун Ўзбекистон мусулмонлари идораси Наманган вилояти вакиллигининг мажлислар залида Наманган вилояти бош имом-хатиби, Уламолар кенгаши аъзоси Абдуллоҳ домла Саматов раислигида вилоятдаги жоме масжидларининг имом-ноиблари иштирокида навбатдаги йиғилиш ўтказилди.

⏺Унда 2026 йилнинг 9 ойи давомида имом-ноиблар томонидан амалга оширилган ишлар, жамоат билан ишлаш, маънавий-маърифий тадбирлар ҳамда аҳоли ўртасида олиб борилаётган тарғибот-ташвиқот ишлари муҳокама қилинди.

⏺ Йиғилишда имом-ноиблик ҳам шарафли ва масъулиятли вазифа экани таъкидланиб, бугунги кун имом-ноиби замон талабларини чуқур англаши, кенг дунёқараш ва теран фикрга эга бўлиши, ўз устида мунтазам ишлаши, диний ва дунёвий билимларини ошириб бориши зарурлиги қайд этилди.

⏺Шунингдек, имом-ноибларнинг масжид жамоати билан яқин ва самарали мулоқот олиб бориши, аҳолининг диний-маърифий саволларига тўғри ва асосли жавоб бериш, ёшлар тарбиясига алоҳида эътибор қаратиш, уларни илм-маърифатга қизиқтириш борасидаги масъулиятига урғу берилди.

⏺Бундан ташқари, ҳудудлардаги МФЙлар билан мунтазам ҳамкорлик қилиш, ҳожилар билан биргаликда ёшлар тарбиясида фаол иштирок этиш, оилалар мустаҳкамлигини таъминлаш, ажримларнинг олдини олиш, кексаларни ҳурмат қилиш, қўшничилик одобларига риоя этиш, аҳоли ўртасида тинчлик ва тотувлик муҳитини янада мустаҳкамлашга қаратилган ишларни кучайтириш вазифалари белгилаб берилди.

🔹 Йиғилиш якунида имом-ноибларга жамоат билан ишлашда фаолликни ошириш, юклатилган вазифаларни масъулият билан бажариш ҳамда ҳудудларда маънавий-маърифий муҳитни янада яхшилаш борасида тегишли тавсия ва топшириқлар берилди.

Яқинларингизга ҳам улашинг!

👇👇
✅https://t.me/UstozAbdulloh_domla