Hamid Ismoilovning nomzodi Nobelga qoʻyildimi?

Bir-ikki kundan beri tarmoqlarda “Hamid Ismoilov Nobel mukofotiga da’vogarlar roʻyxatiga kiribdi” qabilidagi postlar koʻpayib qoldi. Bu albatta yaxshi xabar, lekin rostmi-yoʻqligini hech kim bilmaydi.

Chunki Nobel mukofotiga nomzodlar doim sir tutiladi. Oradan 50 yil oʻtibgina nomzodlarning umumiy roʻyxati bilan tanishish mumkin.

Ya’ni hozir Ismoilov Nobelga da’vogarligi haqida aniq ma’lumot yoʻq. Bular adabiyot muxlislari va jurnalistlarning prognozlari xolos. Hamid Ismoilov esa oxirgi yillatda bunaqa taxminiy roʻyxatlardan tushmay kelyapti.

Sababi, uning Nobelgacha bosib oʻtgan yoʻli, asarlari va mukofotlari yetarlicha. Masalan, EBRD adabiy mukofotining eng birinchi gʻolibi, 2025-yilgi Milliy kitob mukofoti finalisti va hokazo.

Shu sababdan ham, Ismoilovni tahlilchilar Nobelga nomzod sifatida koʻrishadi. Mening ham taxminim, agar yaqin yillarda biror oʻzbek adibi mukofot olsa, demak u aniq Hamid aka Ismoilov boʻladi. Ammo… u mukofotni Oʻzbekiston nomidan qabul qilmasa kerak :)

@usmonosphere