UrDU YOSHLAR | RASMIY

#kun_hikmati

Inson yuksak kamolotga erishuv yo'lida harakat qilganidek, aqliy bilimini oshirishga ham harakat qilsa, hech shubhasiz o'zi orzu qilgan baxt-saodatga erishadi. Shuning uchun qaysi holatda bo'lsangiz ham boshlang. Nimangiz bo'lsa o'shandan foydalaning. Qo'lingizdan nima kelsa o'shani qiling.

Fyodor Dostoyevskiy

💬 UrDU YOSHLARI

#TTJ_hayoti | #Zakovat

🧠 Urganch davlat universiteti 3-sonli talabalar turar joyida "Zakovat" intellektual o'yini bo'lib o'tdi. Intellektual o’yin talabalar orasida katta qiziqish uyg'otdi va chinakam qizg'in, fikrlar kurashi bilan boy ruhda kechdi.

💡 Talabalarning intellektual salohiyatini yuzaga chiqarish, mantiqiy fikrlash va tezkor qaror qabul qilish ko'nikmalarini rivojlantirish, shuningdek, yotoqxonadagi yoshlar o'rtasida jamoaviy ruh va ahillikni mustahkamlash edi.

🖐 Intellektual o’yin davomida jamoalar turli mavzulardagi savollarga javob berib, o'z bilim va topqirliklarini namoyish etdilar. Har bir savol ustida qizg'in bahs-munozaralar bo'lib, ishtirokchilar mantiqiy fikrlash orqali to'g'ri javobni topishga intildilar. Jamoalar o'rtasidagi raqobat juda qizg'in kechdi — har bir jamoa g'alaba uchun bor bilimini safarbar qildi.

💬 UrDU YOSHLARI

#TTJ_hayoti | #Futbol

⚽️ Urganch davlat universitetining 6-sonli talabalar turar joyida talabalar o‘rtasida futbol musobaqasi tashkil etildi. Musobaqa ishtirokchilarda katta qiziqish va ko‘tarinki kayfiyat uyg‘otdi.

🔥 Musobaqa asosiy maqsadi— talaba-yoshlarning bo'sh vaqtini mazmunli o'tkazish, ularni sportga, xususan futbolga jalb qilish, sog'lom turmush tarzini targ'ib qilish hamda yotoqxonadagi yoshlar o'rtasida ahillik va jamoaviy ruhni mustahkamlash edi.

💬 UrDU YOSHLARI

💠FAVQULODDA VAZIYATLARDA TO‘G‘RI HARAKAT QILISH — HAYOT XAVFSIZLIGI GAROVI!

🔺Urganch davlat universitetining 8-sonli talabalar turar joyida yong‘in xavfsizligi va favqulodda vaziyatlarda to‘g‘ri harakat qilish ko‘nikmalarini shakllantirishga qaratilgan profilaktik tadbir o‘tkazildi.

Tadbirdan ko‘zlangan asosiy maqsad — talabalarning yong‘in va boshqa favqulodda vaziyatlar yuzaga kelganda o‘zini to‘g‘ri tutishi, xavfsiz harakatlanishi, sarosimaga tushmasligi hamda o‘z hayoti va atrofdagilar xavfsizligini ta’minlash bo‘yicha zarur bilim va amaliy ko‘nikmalarini oshirishdan iborat.

Tadbir Urganch tuman Favqulodda vaziyatlar bo'limi xodimlari va universitet Yoshlar ittifoqi qoshida tashkil etilgan Qalqon jamoatchilik guruhi bilan hamkorlikda tashkil etildi.

💬 UrDU YOSHLARI

🏛 Abu Rayhon Beruniy nomidagi Urganch davlat universiteti Sport faoliyati fakultetida Dekan va yoshlar uchrashuvi bo‘lib o‘tdi.

🔵Uchrashuv davomida talaba-yoshlarning ta’lim olishi, sport sohasida erishayotgan yutuqlari, ularning bo‘sh vaqtini mazmunli tashkil etish hamda yoshlarni har tomonlama qo‘llab-quvvatlash masalalariga alohida e’tibor qaratildi.

Shuningdek, talabalarning taklif va tashabbuslari tinglanib, ularni qiynayotgan muammo va masalalar yuzasidan fikr almashildi. Yoshlarning iqtidor va salohiyatini ro‘yobga chiqarish, sportga bo‘lgan qiziqishini yanada oshirish, sog‘lom turmush tarzini keng targ‘ib etish borasida amalga oshirilishi lozim bo‘lgan vazifalar muhokama qilindi.

🗣 Mazkur uchrashuv yoshlar bilan samarali muloqotni yo‘lga qo‘yish, ularning fikr va takliflarini o‘rganish hamda mavjud muammolarga yechim topishda muhim ahamiyat kasb etdi.

💬 UrDU YOSHLARI