🏛Ta’lim sifati nazorati: Kimyoviy texnologiyalar fakultetida o‘rganish ishlari olib borildi

Abu Rayhon Beruniy nomidagi Urganch davlat universitetida ta’lim sifatini yangi bosqichga olib chiqish, o‘quv jarayonining samaradorligini oshirish hamda dars mashg‘ulotlarining belgilangan talablar asosida tashkil etilishini ta’minlashga qaratilgan tizimli o‘rganish ishlari davom etmoqda.

Navbatdagi o‘rganishlar universitetning O‘quv ishlari bo‘yicha prorektori G‘ayrat Raximov hamda O‘quv-uslubiy boshqarma boshlig‘i G‘ayrat Matlatipov tomonidan Kimyoviy texnologiyalar fakultetida olib borildi.

Jarayon davomida dars mashg‘ulotlarining tashkil etilishi, professor-o‘qituvchilarning pedagogik faoliyati, talabalarning o‘quv jarayonidagi faolligi hamda mavjud shart-sharoitlar atroflicha tahlil qilindi. Shuningdek, o‘quv va ilmiy laboratoriyalar faoliyati, ulardan ta’lim jarayonida samarali foydalanish holatiga alohida e’tibor qaratildi.

O‘rganishlar yakunida mas’ullarga ta’lim sifatini yanada yaxshilash, nazariya va amaliyot uyg‘unligini kuchaytirish, mashg‘ulotlar samaradorligini oshirish hamda o‘quv jarayonini belgilangan talablar asosida tashkil etish yuzasidan tegishli tavsiyalar berildi.

©️UrDU Matbuot xizmati
🌐 Sayt| Telegram| Facebook|Instagram| Ln | YouTube