2027-yildan "rassrochka" bo‘yicha muhim o‘zgarishlar boʻlishi kutilmoqda

2027-yil 1-yanvardan e’tiboran O‘zbekistonda muddatli to‘lov (nasiya savdo) xizmatlari yuzasidan yangi tartib-qoidalar kuchga kiradi. Endilikda ushbu soha Markaziy bank tomonidan tartibga solinadi.

Yangi tartibning asosiy o‘zgarishlari va uning xaridorlar uchun ahamiyati:

Markaziy bank nazorati: Uzum Nasiya, Alif Nasiya kabi muddatli to‘lov tashkilotlari maxsus reyestrga kiritiladi va Markaziy bank belgilagan talablarga bo‘ysunadi.

Muddat qisqaradi: Nasiya shartnomalari maksimal 1 yil (12 oy) muddatga tuziladi. Buyumlarni 18–24 oyga bo‘lib to‘lash tartibi bekor qilinadi (bank kreditlari buning ichiga kirmaydi).

Maksimal summa cheklovi: Muddatli to‘lovga olinadigan shartnoma qiymati 110 mln so‘mdan oshmasligi kerak.

To‘liq oshkoralik: Ustama foizi, operator komissiyasi va boshqa qo‘shimcha to‘lovlar shartnomada alohida ko‘rsatiladi. Xaridor tovarning asl narxiga qancha qo‘shilganini aniq ko‘rib turadi.

Muddatidan oldin yopish: Qarzni istalgan vaqtda qisman yoki to‘liq yopish imkoniyati beriladi. Buning uchun hech qanday qo‘shimcha komissiya, jarima yoki penya undirilmaydi.

Ko‘chmas mulk taqiqi: Uylarni nasiya xizmati orqali sotib olish taqiqlanadi. Ko‘chmas mulk muddatli to‘lov obyekti bo‘la olmaydi (bank ipoteka kreditlari bundan mustasno).

✅ Ushbu o‘zgarishlar nasiya bozorida shaffoflikni oshirish va fuqarolarni ortiqcha moliyaviy yuklamalardan himoya qilishga qaratilgan.

🔝 @foydali_moliya — obuna bo‘ling