Joriy yilning 09-oktyabr kuni soat 13:50 larda Olmazor tumani Sebzor ko‘chasi 9-oilaviy poliklinika qarshisida harakatlanib FAW rusumli yuk avtotransport vositasini boshqarib ketayotgan 1985-yilda tug‘ilgan J.B ismli haydovchi boshqaruvni yo‘qotib oraliq masofani saqlay olmasdan svetoforning qizil chirog’iga to’xtab turgan 2 ta Damas va XCMG rusumli avtokranga borib urilishi natijasida YTH sodir bo‘lgan.
🚨 YTH natijasida 2 ta Damas haydovchisi va bir nafar yo’lovchisiga birinchi tez tibbiy yordam ko`rsatilgan. Boshqa jarohat olganlar yo’q.
🌫 Hozirda mazkur holat yuzasidan Toshkent shahar IIBB YHXB mas’ul xodimlari tomonidan surishtiruv harakatlari olib borilmoqda.
❗️ Hurmatli haydovchilar, harakat vaqtida yo’l harakati qoidalariga qatiy amal qilishingizni va oraliq masofani saqlagan holda harakatlanishingizni so‘raymiz.
🚔Toshkent shahar IIBB YHXB Axborot xizmati.