Seyshel orollarida gigant toshbaqalar odamlardan ham ko‘p ekani aniqlandi

Seyshel orollaridagi Aldabra marjonlardan hosil bo‘lgan halqasimon orolda qariyb 180 mingta gigant toshbaqa yashashi aniqlandi. XIX asrda deyarli qirib yuborilgan bu jonivorlarning soni hozir Seyshel orollari aholisidan ham ko‘p. Seyshel orollari jamg‘armasi va Buyuk Britaniyaning Ekseter universiteti olimlari 2018–2022 yillarda to‘plangan kuzatuv ma’lumotlarini o‘rganib, shunday xulosaga kelgan, deb yozadi The Guardian nashri. Tadqiqot natijalari 2026-yil sentabrida Ecology and Evolution ilmiy jurnalida e’lon qilingan.Seyshel orollarida 97 617 kishi yashaydi. Gigant toshbaqalarni esa maydoni 155 kvadrat kilometr bo‘lgan Aldabra atollida uchratish mumkin. Bu yerda ilmiy tadqiqot stansiyasi xodimlarini hisobga olmaganda, doimiy aholi yashamaydi. Aldabra gigant toshbaqalari dunyodagi eng yirik quruqlik toshbaqalaridan biridir. Ularning vazni o‘rtacha 150–250 kilogrammga yetadi.