TOM KRUZNING YANGI FILMI 245 MILLION DOLLAR ZARAR KELTIRISHI MUMKIN

Gollivud yulduzi Tom Kruz bosh rolni ijro etgan “Digger” filmi kinoprokatda kutilgan natijani bermadi. Tahlilchilar kartina taxminan 245 million dollar zarar keltirishi mumkinligini taxmin qilmoqda.

Filmning ikkinchi hafta oxirida chiptalar savdosi 60 foizga kamaygan. Hozirgacha uning jahon bo‘yicha daromadi 35 million dollar atrofida qolmoqda.

Warner Bros. filmni suratga olish va reklama qilish uchun taxminan 280 million dollar sarflagan. Xarajatlarni qoplash uchun esa 300–350 million dollar daromad kerak bo‘lishi mumkin.

Rejissyor Alejandro Gonsales Inyarritu suratga olgan filmning muvaffaqiyatsizligi Tom Kruzning “Top Gun” va “Mission: Impossible” kabi mashhur loyihalari natijalaridan keskin farq qiladi.

Gollivud yulduzlarining o‘zi ham kinoprokat muvaffaqiyatini kafolatlay olmaydi.