#kun_davomida

Salomatlik yo’lidagi bir kunlik harakat

Oqqo‘rg‘on tuman tibbiyot birlashmasiga qarashli Madaniyat, Qahramon va Segizboyev OSHPlarda tibbiyot xodimlari kunni ertalabki badantarbiya mashg‘ulotlari bilan boshlashdi.

Kun davomida esa aholi salomatligini mustahkamlashga qaratilgan qator ishlar amalga oshirildi. Jumladan, “Seshanba — chekishga qarshi kurash kuni” munosabati bilan aholi o‘rtasida tamaki mahsulotlarining zarari va chekishning salomatlikka salbiy ta’siri haqida tushuntirish suhbatlari o‘tkazildi.

Shuningdek, patronaj hamshiralari uyma-uy yurib, “D” hisobida turuvchi bemorlar holidan xabar oldilar. Maktab hamshiralari esa o‘quvchilarning sog‘lig‘i va shaxsiy gigiyenasiga rioya qilinishini nazorat qildilar.

Website|Telegram | Facebook |YouTube | Instagram