Астанада абаттандыру ережелерін бұзған серіктестік басшысы жауапқа тартылды

Астана – Қарағанды тасжолында «Таза Қазақстан» экологиялық бастамасы аясында жүргізілген тексеріс кезінде жауапкершілігі шектеулі серіктестік тарапынан қаланы абаттандыру қағидаларын бұзу фактісі анықталды. Аталған дерек бойынша серіктестік басшысына қатысты тиісті заңды шаралар қолданылды. Жалпы, жыл басынан бері елордада абаттандыру талаптарын бұзғаны және қоғамдық орындарды ластағаны үшін 38 мыңнан астам азамат жауапкершілікке тартылған.