Қарағанды облысында қазақстандық нөмірін Грузия нөмірімен жасырған DAF жүргізушісі ұсталды

Астана – Қарағанды автожолының 111-шақырымында, Осакаровка кентінің маңында патрульдік полиция DAF жүк көлігін тоқтатты. QAJ жүйесі арқылы түскен мәліметке сәйкес тексеру жүргізгенде, 35 жастағы жүргізушінің көліктің шынайы қазақстандық нөмірінің үстіне Грузияның мемлекеттік нөмірін орнатып алғаны анықталды. Сот шешімімен құқық бұзушы 1 жылға көлік басқару құқығынан айырылып, әкімшілік қамауға алынды.