TDIU rektori Ozarbayjonda tahsil olayotgan talabalar bilan uchrashdi
Ozarbayjon Respublikasiga tashrif doirasida Toshkent davlat iqtisodiyot universiteti rektori, professor Kongratbay Sharipov Ozarbayjon davlat iqtisodiyot universitetida tahsil olayotgan o‘zbekistonlik talabalar bilan samimiy va ochiq muloqot o‘tkazdi.
📰Uchrashuv avvalida rektor K. Sharipov bugungi kunda mamlakatimizda yoshlarning o‘z qobiliyat va imkoniyatlarini xalqaro maydonlarda namoyish etishlari uchun davlatimiz rahbari boshchiligida amalga oshirilayotgan keng ko‘lamli islohotlar va yaratilayotgan imkoniyatlarga alohida to‘xtalib o‘tdi.
Shuningdek, muloqot davomida yoshlarning xorijda chuqur bilim va amaliy tajriba orttirib, o‘z sohalari bo‘yicha xalqaro darajadagi raqobatbardosh mutaxassis bo‘lib yetishishlari hamda vatanimiz taraqqiyotiga munosib hissa qo‘shishlari nihoyatda muhim ekani ta’kidlandi.
Ochiq va do‘stona ruhda o‘tgan uchrashuvda talabalar o‘zlarini qiziqtirgan savollar bilan murojaat qildi hamda kelgusi rejalari va takliflari bilan o‘rtoqlashdilar.
Batafsil saytda
🇺🇿 TDIU Axborot xizmati
🚀Toshkent davlat iqtisodiyot universiteti rasmiy telegram kanali: @tsueuzofficial