#Bayram #Etirof

TDIUda O‘qituvchi va murabbiylar kuniga bag‘ishlangan tantanali bayram dasturi bo‘lib o‘tdi

Toshkent davlat iqtisodiyot universitetida 1-oktabr — O‘qituvchi va murabbiylar kuni munosabati bilan tantanali bayram tadbiri bo‘lib o‘tdi. Unda universitet rahbariyati, turli yillarda universitetga rahbarlik qilgan sobiq rektorlar, professor-o‘qituvchilar hamda faxriy mehmonlar ishtirok etdi.

📌Tadbirda universitet rektori, professor To‘lqin Teshabayev ustoz va murabbiylarni kasb bayrami bilan samimiy muborakbod etib, ularning yosh avlodga bilim berish, malakali kadrlar tayyorlash hamda ilm-fan taraqqiyotiga qo‘shayotgan hissasini alohida e’tirof etdi. Rektor universitetning “THE World University Rankings–2027” xalqaro reytingida dunyoning TOP–700 talik universitetlari qatoridan joy olgani butun jamoaning hamjihatligi, ustozlarning ko‘p yillik mehnati, ilmiy izlanuvchilar va talabalarning intilishlari samarasi ekanini ta’kidladi. Ushbu yutuqda universitet rivojiga mustahkam poydevor yaratgan avvalgi rahbarlar hamda ustozlar avlodining ham munosib hissasi borligini qayd etdi.

🇺🇿 TDIU Axborot xizmati

🚀Toshkent davlat iqtisodiyot universiteti rasmiy telegram kanali: @tsueuzofficial