СУЗАКТА 2,5 МИҢГЕ ЖАКЫН ОКУУЧУ УБАКТЫЛУУ ЖАЙЛАРДА ОКУУДА
Сузак районунда миңдеген окуучу убактылуу мечит, медресе жана спорт залдарда билим алып жатышат. Кара-Дарыя айыл аймагында бир учурда эки мектепте капиталдык оңдоо иштери башталып, дагы бир мектепте жаңы окуу корпусу курулууда. Окуу процесси үзгүлтүккө учурабашы үчүн айыл өкмөтү, имамдар, ата-энелер жана мектеп жамааты биргеликте зарыл шарттарды түзүшкөн.