📣Toshkent kimyo-texnologiya institutida huquqiy madaniyatni yuksaltirishga qaratilgan ochiq dars va o‘quv mashg‘ulotlari tashkil etildi.

✔️O‘zbekiston Respublikasi Vazirlar Mahkamasining 2026-yil 24-apreldagi 202-son qarori bilan tasdiqlangan “2026–2027-yillarda jamiyatda huquqiy madaniyatni yuksaltirish bo‘yicha chora-tadbirlar dasturi”ning 10-bandida belgilangan vazifalar ijrosini ta’minlash maqsadida Toshkent kimyo-texnologiya institutida talaba-yoshlarning huquqiy savodxonligini oshirish, vatanparvarlik va fuqarolik mas’uliyatini mustahkamlashga qaratilgan ma’naviy-ma’rifiy tadbirlar hamda o‘quv mashg‘ulotlariga alohida e’tibor qaratilmoqda.

📌Mashg‘ulotlar davomida talaba-yoshlarga O‘zbekiston Respublikasi Konstitutsiyasining mazmun-mohiyati, fuqarolarning huquq va burchlari, davlat ramzlariga hurmat, qonunlarga rioya qilish hamda jamiyat oldidagi fuqarolik mas’uliyati haqida tushunchalar berilmoqda.

🔗Shuningdek, yoshlar qalbida Vatanga sadoqat, milliy qadriyatlarga hurmat, qonun ustuvorligiga ishonch va huquqbuzarliklarga nisbatan murosasiz munosabatni shakllantirish, ularni faol va mas’uliyatli fuqarolar etib tarbiyalashga alohida e’tibor qaratilmoqda.

✨Mazkur tadbirlar talaba-yoshlarning huquqiy ongi va madaniyatini yuksaltirish, Konstitutsiya va qonunlarga hurmat ruhida tarbiyalash hamda mamlakatimiz taraqqiyotiga daxldorlik tuyg‘usini mustahkamlashga xizmat qiladi.

✅Rasmiy sahifalarimizga obuna bo'ling!
🌎Veb-sayt |📲Telegram |🖥Instagram|  👩‍🎓Rasmiy kanal