Кастрычніцкае абнаўленне Telegram затрымліваецца

Павел Дураў у сваім Telegram-канале паведаміў, што апошняе абнаўленне месэнджэра "затрымалася" на этапе праверкі ў Apple Review больш чым у тыдзень. Прычыны затрымкі мадэрацыяй платформы не паведамляюцца.

«Apple сцвярджае, што яны правяраюць прыкладанні на працягу 24 гадзін, але, па нашым досведзе, для любога значнага абнаўлення прадукта патрабуецца не меней 7-10 дзён. Мае сябры, якія запускаюць невялікія прыкладанні, кажуць мне, што для іх гэта яшчэ горш, бо ім даводзіцца чакаць больш за месяц, каб адправіць выпраўленні памылак сваім карыстальнікам Apple», — распавядае Павел Дураў аб працэсе мадэрацыі абнаўляных прыкладанняў у App Store.

Павел Дураў заклікаў распрацоўшчыкаў паведамляць яму па электронным адрасе pavel@telegram.org з подпісам «DMA» (Digital Markets Act — пакет законаў ЕЗ, які ўступае ў сілу з 1 лістапада 2022 года) аб узніклых праблемах з App Store або Google Play.

"Apple будзе вырашаць, на што яны хочуць марнаваць свае рэсурсы: на паляпшэнне сваіх працэсаў або на штрафы", – падсумаваў Дураў.