Павел Дураў пацвердзіў запуск платформы Fragment

У сваім англамоўным Telegram-канале Павел Дураў абвясціў аб запуску платформы для пакупкі і продажу імёнаў карыстальнікаў Telegram — Fragment.

Дураў распавёў, што праз некалькі дзён Telegram падасць карыстальнікам магчымасць прадаваць свае дзейсныя юзэрнеймы на аўкцыёне Fragment.

«Упершыню ў гісторыі сацыяльных сетак будзе створаны сумленны, празрысты рынак імён карыстальнікаў. Нарэшце людзі атрымаюць права ўласнасці на свае адрасы ў сацыяльных сетках, замацаваныя ў нязменным рэестры дэцэнтралізаваным Blockchain. Гэта толькі пачатак, але пры гэтым важная вяха: улада пачала пераходзіць у рукі карыстальнікаў», - дадаў Павел Дураў.