Telegram адклікае неактыўныя юзернэймы

У апошнія дні карыстальнікі масава сутыкнуліся з сітуацыяй, калі мэсэнджар без папярэджання забірае публічныя адрасы ў некаторых каналаў.

У большасці выпадкаў задзейнічаныя юзернеймы былі адкліканы альбо ў пустых каналаў без кантэнту, альбо ў каналаў, на якіх больш за год не было пастоў.

Крыніца, блізкая да Telegram, паведамляе, што канфіскацыя юзернеймаў у неактыўных каналаў – тыповая практыка.
Зараз паўторна заняць адкліканыя адрасы нельга, аднак у бліжэйшыя месяцы яны паступова будуць вяртацца ў абарачэнне.

Акрамя таго, каманда месэнджэра мае намер у будучыні правесці рэформу ў сістэме атрымання і кіравання юзэрнэймамі.