Apple патрабавала прыбраць Telemoji

У Beta-версіі Telegram карыстальнікам былі даступныя аніміраваныя версіі Apple emoji – Telemoji, але ў выніковую версію яны не патрапілі. Частка такіх emoji мэсанджар збіраўся дазволіць выкарыстоўваць бясплатна.

Павел Дураў раскрыў прычыну такога ходу: кампанія Apple запатрабавала прыбраць аніміраваныя версіі стандартных emoji з клавіятуры.

Хутчэй за ўсё такое рашэнне звязана з тым, што Apple не спадабалася стварэнне Telegram уласнага прадукта з выкарыстаннем дызайну Apple emoji, на якія распаўсюджваецца аўтарскае права.

Адмененыя анімацыі Premium-карыстальнікі могуць працягваць выкарыстоўваць неафіцыйна, дадаўшы набор "Restricted Emoji".