Як працуюць функцыі з лістападаўскага абнаўлення Telegram

У пачатку лістапада Telegram запусціў конкурс для Android распрацоўшчыкаў. Яго мэтай стала рэалізацыя функцый, якія стануць часткай будучага абнаўлення.

Сёння публічна сталі даступныя працы канкурсантаў, а гэта значыць, што карыстачы ўжо могуць выпрабаваць частку функцый. Разбярэмся як яны працуюць зараз:

1. Забарона на перасылку паведамленняў і захаванне медыяфайлаў

На дадзены момант функцыя працуе, і можа быць настроена аўтарам групы ці канала. Важна адзначыць, што перасыланне паведамленняў і захаванне медыя працуе на старых версіях прыкладанняў. Гэта павінна быць выпраўлена пасля выйсця стабільнай версіі.

2. Адпраўка паведамленняў ад імя канала ў публічных групах

На дадзены момант, пісаць ад імя канала можна толькі ў тых чатах, дзе карыстач з'яўляецца адмінам. На тэставым сэрвэры такога абмежавання няма.