Telegram Ads | Oyatillo

📢 Telegram Ads’ning aynan “Users” qismida yangilik paydo bo‘ldi. U yerga “Banner in Bot”, ya’ni botlarda reklama ko‘rsatish funksiyasi qo‘shildi. To‘g‘risi, bu kutilmagan va juda yaxshi yangilik bo‘ldi.

O'zi avval ham botlarda reklama joylashtirsa bo'lardi, buni nimasi yangilik ? Oddiy botlarda reklama joylashtirish bilan “Users” qismida botlarni tanlashning qanday farqlari, afzalliklari va kamchiliklari bor? deb o'ylayotgan bo'lsez, hozir batafsil tushuntiraman👇

Asosiy farqi shundaki, oldin botlarni bittalab topib chiqish kerak edi va siz ularni qiziqishlar, lokatsiya kabi parametrlar orqali saralay olmas edingiz.

Endi esa “Users” qismida botlarni tanlasangiz, o‘zingizga kerakli segmentdagi auditoriyani bemalol saralab olishingiz mumkin. U yerda kanallar auditoriyasini ham target qila olasiz.

Ya’ni ma’lum kanallarni tanlab, o‘sha kanallar obunachilari qaysidir botni ochganda sizning reklamangiz ko‘rinadigan qilib nastroyka qilishingiz mumkin.

Lekin eng muhimi bu emas 😳

🔗 Eng muhim imkoniyat — tashqi linklarni reklama qila olish.

Oldin “Bots” qismida o‘zingizga kerakli botlarni tanlab reklama yoqqaningizda, pasadka/landing faqat Telegram kanal, bot yoki shaxsiy chat bo‘lishi kerak edi.

Endi esa “Users” qismida botlarda reklama joylashtirishni tanlaganingizda, veb-sayt, ilova va shu kabi boshqa tashqi linklarga ham reklama yoqa olasiz.

Bu funksiya xuddi “Channels” qismida aniq kanallarda chiqadigan qilib reklama yoqish bilan “Users” qismida kanallar auditoriyasini target qilish o‘rtasidagi farqqa o‘xshaydi.

🤖 Agar siz aynan bitta botda, masalan, raqobatchingizning botida reklama joylashtirmoqchi bo‘lsangiz, “Bots” qismida reklama yoqishingiz mumkin.

Lekin kerakli auditoriya foydalanadigan botlarni topa olmasangiz, “Users” qismidagi “Banner in Bot” funksiyasidan foydalanib auditoriyani saralashingiz, ma’lum kanallar obunachilarini target qilishingiz va tashqi linklarga ham reklama yoqishingiz mumkin.

Agar Telegram Ads bo'yicha savollar bo'lsa, kommentaiyada qoldiring

Telegram Ads bo'yicha ko'proq ma'lumot uchun @oyatillo_habibullaev

🔔

t.me havolalari yana ishlayapti

Bugun Telegram domain bilan muommo bo'lgani sababli t.me havolalari vaqtincha telegram.me ko‘rinishiga o‘zgargan edi.

https://t.me/tgadsuzb formati ishlamasdan https://telegram.me/tgadsuzb formatida foydalanishga to'g'ri keldi.

Hozir esa holat yana avvalgi ko‘rinishga qaytdi va t.me domeni odatdagidek ishlamoqda.


Telegram Ads da baribir muommo kuzatilmadi, chunki reklamalar Telegramni ichida ko'ringani uchun ham t.me ko'rinishidagi linkar muommosiz ishladi ammo Meta yoki boshqa platformalarda reklama yoqib, Telegram kanalga traffik tortadiganlarga bir muddat bosh og'riq bo'ldi.

Artel va Manchester City kollaboratsiya asosida Instagram sahifasi uchun ajoyib kreativ joylashdi

Bu qadam albatta Artel uchun jahon miqiyosiga chiqishda katta sabab bo'lishi mumkin.

Nima deb o'ylaysiz, agar Artel shu hamkorlik uchun ishlatgan pulini Telegram Adsga ishlatganda, sotuvlari qanchalik oshgan bo'lardi😁

Bozorda JANG boshlanyapti

Hozirda kundan kunga ko'proq bizneslar Telegram Ads ga kirib kelmoqda. Chunki kerakli auditoriyani topib ularga reklama ko'rsatish boshqa platformalarga nisbatan ancha arzonroq tushyapti va bizneslar bu imkoniyatdan foydalanib qolmoqda. Bu tabiiy holatda raqobatni kuchaytiradi va CPM narxlari oshishiga olib keladi.

Ayni damda bozorda chinakam URUSH ketyapti, avvalgi CPM bilan reklama yoqsa umuman yurmayapti. CPM 10-20X ko'tarilib ketgan.

Quyida qanday qilib CPM ni nisbatan pastroq qilish yo'llari bo'yicha 3ta qo'llanma. Agar siz shularni qilmayotgan bo'lsangiz, pullaringiz havoga uchyapti

1⃣ Kichikroq kanallarni target qilish

Katta kanallardan ko'ra kichikroq kanallar topib reklama yoqishga harakat qiling. Chunki Telegram Ads ni yaqinda boshlagan va hali katta tajribaga ega bo'lmagan ko'pchilik kunuz yoki shunga o'xshash katta kanallarni tanlaydi va reklama yoqib yuboradi. Undan ko'ra siz o'z nishangizga oid, kichikroq kanallar topishga harakat qiling. Birinchidan u kanallarda raqobat kamroq va asosan sifatli auditoriya bo'ladi.

2⃣ Kreativni muntazam yangilash

Faqat bitta reklamani uzoq ishlatmang. Bir xil reklama uzoq ishlasa, CTR tushadi. CTR tushsa, Telegram algoritmi sizning reklamangizni "sifatsiz" deb baholaydi va eski CPM bilan endi yurmaydi. Kreativni 7-10 kunda bir yangilash — CPM'ni barqaror ushlab turadi.

3⃣Topic - qiziqishlar tanlab reklama yoqmang

Agar sizda nisha va byudjet katta bo'lsa tushunarli lekin kichikroq byudjet va nishada reklama yoqgan paytda, auditoriyani qiziqishlar orqali tanlab olsangiz birinchidan CPM juda baland va asosan sifatsiz lidlar va obunachilar keladi sababi reklama yoqishni yaqinda boshlagan ko'pchilik shunchaki qiziqishlar tanlab reklama yoqib yuboradi.


❗️❗️❗️❗️❗️❗️❗️❗️❗️❗️❗️

CPM emas — CPA. Telegram Ads'da asosiy ko'rsatkich qaysi?

Ko'pchilik Telegram Ads'da reklama yoqganda birinchi qaraydigan narsa — CPM. Tushunish mumkin, chunki CPM ko'tarilib ketsa, byudjet tezroq sarflanadi va ko'rishlar narxi qimmatlashadi. Lekin bu eng muhim ko'rsatgich emas!

Hozirda CPM 10-20x yoki undan ham ko'proq ko'tarilgan. Chunki ko'proq bizneslar Telegram Adsni sinab ko'rmoqda va raqobat o'smoqda. Raqobat o'sgani sayin CPM avtomatik ravishda ko'tariladi. Bu — muqarrar. Siz uni to'liq nazorat qila olmaysiz. Lekin nisbatan nazorat qila oladigan narsa bor — bu CPA.

CPA nima va nega u eng muhim?

CPA — Cost Per Action. Ya'ni bitta obunachi, bitta lid yoki bitta xabar narxi

Reklamaning maqsadi nima? Oxir-oqibat — natija. Shu natijaning narxi qancha? Ana shu — CPA. CPM baland bo'lsa ham, agar CPA o'z joyida tursa — reklama ishlayapti. Aksincha, CPM past bo'lsa-yu CPA baland bo'lsa — pulni bekorga sarflayapsiz.

Shuning uchun reklama kampaniyalarini solishtirganingizda, birinchi navbatda CPAga qarang. Qaysi kampaniyada CPA eng past bo'lsa — o'shanisi muvaffaqiyatli.

Ko'p odam qayerda yanglishadi?

Telegram Ads'da eng keng tarqalgan xato — "ko'proq odamga ko'rsatsam, ko'proq natija bo'ladi" degan fikr. Aslida bunday emas.

Siz reklamangizni 100,000 odamga ko'rsatib, 10 ta obunachi olishingiz mumkin. Yoki 30,000 to'g'ri odamga ko'rsatib, 40 ta obunachi olishingiz mumkin. Raqamlar katta ko'rinishi — aldamchi. Muhimi — kimga ko'rsatayotganingiz. Hozirda sifatli auditoriya uchun bozorda " JANG " ketyapti va reklamani to'g'ri auditoriyaga ko'rsatish uchun CPM ni ayamaslik kerak!


Reklamadan yaxshi natija olmoqchi bo'lsangiz ishga tushirishdan oldin shu 2️⃣ ta savolga javobni aniqlab oling

1️⃣ Mening target auditoriyam kim?

Sizning potensial mijozlaringiz kimlar va ular asosan nimaga qiziqadi va qanday kanallarni kuzatadi. Yosh, joylashuv, qiziqishlar — bularni aniq bilmasangiz, reklamangiz "hammaga" ko'rsatiladi. "Hamma" esa hech kim degani.

2️⃣ Reklama dizaynidagi taklif tushunarli ko'rinayaptimi?

Hozirgi kunda odamlarning diqqati juda qisqa. Ko'pchilik matnni o'qimaydi ham — faqat rasmga qaraydi. Shuning uchun asosiy xabar dizaynning o'zida ko'rinishi kerak. Siz qimmaqtga professional dizayn qildirsangiz ham lekin reklamada taklif aniq berilmasa, odamlar tushunmasdan o'tkazib yuborish ehtimoli katta. Natijada siz potensial mijozni yo'qotasiz.


❗️❗️❗️❗️❗️❗️❗️❗️❗️❗️❗️

Telegram Ads statistikasini to'liq ko'rish ilgari faqat asosiy dashboard orqali mumkin edi. Boshqa qulay platforma yo'q edi — shu muammoni hal qilish uchun jamoamiz bilan maxsus bot platforma ishlab chiqdik. Endi barcha reklama statistikangiz bitta joyda, aniq va qulay ko'rinishda. Tez orada to'liq funksiyalar va foydalanish bo'yicha video chiqadi.

CPM baland bo'lishi — muammo emas.
Muhimi — reklamani kimga ko'rsatayotganingiz!

To'g'ri auditoriyaga to'g'ri kreativ tanlansa, CPA har doim kutilgandek bo'ladi


oyatillo_habibullaev

Vakansiyalar e'lonb qiladigan kanal uchun yoqilgan target natijalari💣

Sarflangan byudjet: € 500

Obuna bo'lganlar soni: 30118

Yangi obunachi narxi: ~€0.016

Ushbu loyiha uchun atigi 3ta kreativ yasalgan va shu kreativlarni har xil auditoriyaga yoqdik. Bu loyiha bo'yicha oldindan tajriba bo'lgani uchun deyarli qiyinchilik bo'lmadi. Kreativ uchun idealar va auditoriya aniq edi. Reklama biz kutgandan ham yaxshiroq natija berdi.

Agar sizga ham Telegram Ads bo'yicha reklama xizmati kerak bo'lsa, aloqaga chiqing

@okhabibullaev

❗️❗️❗️❗️❗️❗️❗️❗️❗️❗️❗️

BRAND Kolyaska - onlayn do'kon uchun yoqilgan target

Sarflangan byudjet: €124.91

Jami qo‘shilganlar (Join): 8,239

O‘rtacha CPA: ~€0.01

Bu proetkni egasi o'zi ham hayron qoldi natijalarni ko'ribi 😅

8300 ga yaqin obunachiga atigi 2 xil kreativ orqali erishdik. avvaliga auditoriyani sinadik, ya'ni bizga kerakli auditoriya uchun qaysi turdagi kreativ yaxshi ishlaydi.

Qaysi kreativ, qaysi auditoriyaga yaxshi ishlashini bilmasdan byudjet sarflash — pulni havoga sovurish

Aslida test uchun tayyorlangan kreativlar, juda ham zo'r natijalar ko'rsatdi🤩

Agar sizga ham Telegram Ads bo'yicha reklama xizmati kerak bo'lsa, albatta aloqaga chiqing

@okhabibullaev


❗️❗️❗️❗️❗️❗️❗️❗️❗️❗️❗️

Aynan shu loyiha uchun endi YEVRO kabinetda reklama boshladik, va natija 🔥👇

💥 Faqatgina 5 💶 bilan:
👫 2,186 ta yangi obunachi
📉 Obunachi narxi — rekord darajada arzon
⚡️ Natija — birinchi reklamaning o‘zidayoq

#keys

🚀So‘nggi haftada " Ish bor " kanali uchun reklama yoqdim qisqa muddat ichida yaxshi natijalarga erishdik.

↗️ Umumiy ko'rishlar soni: 73,390
⚡️ Umumiy bosishlar soni: 1,249
👫Umumiy actions soni: 158

☺️Ishlatilgan buget: 22 TON
🎯 O‘rtacha CPA (1 ta action narxi): 0,2
📊 O‘rtacha CPM (1000 ta ko‘rish narxi): 0,52

Reklama TON kabinetida yoqilgan bo'lsa ham moderatsiya bilan umuman muammo bo'lmadi. Biz kanalni to'liq tekshirib, moderatsiyaga tayyorladik va birinchi reklama 2 soatda moderatsiyadan o'tdi. To'g'ri yondashuv orqali reklama biz kutgan natijani berdi va endi yevro kabinetda reklamalarni boshladik.

Eng yaxshi natija bergan kompaniya bu qidiruvga yoqilgan reklama bo'ldi. Boshida yaxshi natija bermasa kerak deb o'ylagan edim lekin kutilgandan ancha a'lo bo'ldi.

Sizga ham Telegram Ads orqali hamyonbop va sifatli lidlar/obunachilar kerakli bo'lsa bemalol murojaat qiling @tgadsuzb_support

Pre-moderatsiya — reklamalarni moderatsiyaga tayyorlash

Telegram Ads moderatsiya talablari judayam qattiq va ko'pchilik bir necha marta reklamasi moderatsiyadan o'tmagach, tushkunlikka tushib qoladi. Bu postda reklamatezroq moderatsiyadan o'tishi uchun e'tibor qaratish kerak bo'lgan eng muhim narsalarni ko'rib chiqamiz.

1️⃣ Ad destination quality

Reklama qayerga olib borishi: Kanal / Bot / Shaxsiy chat sifati juda muhim

📌 Profil talablari:

* Profil bio’da to‘liq ma’lumot bo‘lishi shart
* Bio’da nima qilishingiz aniq yozilgan bo‘lsin
* Profilda rasm bo‘lishi kerak

📌 Kontent talablari:

* Postlarda haddan tashqari emoji va stikerlardan foydalanmang
* Instagram / YouTube linklari qo‘ymang — ayniqsa Instagram
* Kanal aktiv bo‘lsin, oxirgi 2 haftada post bo‘lishi kerak

📌 Texnik talablar:

* Botlar mobil va kompyuterda bir xil ishlashi kerak
* Kanal qaysi tilda bo‘lsa — reklama matni ham o‘sha tilda bo‘lishi kerak


2️⃣ Editorial requirements — samarali matn yozish

Qo‘pol / haqoratli ifodalardan foydalanish

❌ O‘sha lox marketinglardan charchagan bo‘lsangiz — bizga keling
✅ Biz sizga sifatli xizmat taklif qilamiz

Noaniq, ma’nosiz gaplar yozish

❌ Biz sizga hammasini qilamiz. Juda zo‘r xizmatlar. Zo‘r natija. Juda zo‘r.
✅ Biz tadbirkorlarga Telegram reklama kampaniyalarini sozlashda yordam beramiz

G‘alati formatlangan matn yo‘q

HuDdi S h U n d Ay YoZiSh
s p a c e bilan yozish
S,Y,M,B,O,L a r bilan yozish
ASCII / Unicode effektlar
T🌟E🌟L🌟E🌟G🌟R🌟A🌟M Reklamaaa🔥🔥


❗️❗️❗️❗️❗️❗️❗️❗️❗️❗️❗️

🚀 Muvaffaqiyatli keys: TON kabinetdagi moderatsiya muammosi 2 soatda hal bo‘ldi!

Bir mijozim o'zi TON kabinetda reklama joylashtirdi, lekin moderatsiyadan o‘tish juda qiyin bo‘ldi — haftalab kutish, va oxirida reklama bir nechta sabablarga ko'ra rad etildi. Hammaga ma'lumki o'zi TON kabinetda reklama mnoderatsiyadan uzoqroq muddatda o'tadi odatda.


Shundan so‘ng biz onlayn konsultatsiya o‘tkazdik — biz reklama matni, banner va sozlamalarni to‘g‘ri shaklda tayyorlashni ko‘rib chiqdik va kanalni moderatsiyadan o'tadigan qilib to'g'riladik.


💥 Natija: reklama 2 soatda moderatsiyadan o‘tdi!

Bu shunchaki omad emas — bu to‘g‘ri strategiya va tajriba natijasi.
Agar siz ham moderatsiya bilan qiynalyotgan bo'lsangioz — yozing, yordam beraman 💬

@tgadsuzb_support


❗️❗️❗️❗️❗️❗️❗️❗️❗️❗️❗️

📊 Telegram reklamalardagi asosiy metrikalarni tushunish

Agar siz Telegramda reklama berayotgan bo‘lsangiz, natijalarni to‘g‘ri tahlil qilish juda muhim. Har bir reklama kampaniyasining muvaffaqiyati — uning metrikalari orqali baholanadi. Bu postda eng asosiy ko‘rsatkichlar nimani anglatishini tushuntirib beramiz 👇

1️⃣ Views (Ko‘rishlar soni)

Bu — reklamangizni nechta odam ko‘rganini bildiradi. Lekin ko‘rishlar har doim natijani anglatmaydi — shuning uchun uni CTR va CVR bilan birgalikda tahlil qilish kerak.

2️⃣ CPM (Cost Per Mille)

Bu — har 1000 ta ko‘rish uchun to‘lov degani. Masalan, agar CPM 0.05 € bo‘lsa, demak siz 1000 ta reklama ko‘rish uchun 0.05 € to‘laysiz. Bu metrika reklamangizni qancha odam ko‘rayotganini tushunish uchun foydali.

3️⃣ CTR (Click-Through Rate)

Bu — sizning reklamangizni ko‘rganlardan necha foizi ustiga bosganini ko‘rsatadi ya'ni reklamanigiz qancha odamni e'tiborini jalb qila oldi. CTR qanchalik yuqori bo‘lsa, reklamangiz shunchalik jozibador va odamlar e’tiborini tortgan bo‘ladi. Masalan, 10 000 ta ko‘rishdan 200 tasi bosgan bo‘lsa, CTR = 2%.

4️⃣ CVR (Conversion Rate)

Bu — reklamangizga bosganlardan necha foizi amalda harakat qilganini (masalan, kanalga qo‘shilganini, botni ishga tushirganini yoki mahsulot sotib olganini) bildiradi. Yuqori CVR — demak reklama nafaqat e’tiborni tortdi, balki shu e'tiborni sotuvga ham aylantirdi.

5️⃣ CPC (Cost Per Click)

Bu — har bir bosish uchun tto'g'ri keladigan narx. Bu sizga reklama byudjetingizni aniqroq baholashga yordam beradi. Agar reklamangiz samarali bo‘lsa, CPC past bo‘ladi, lekin natija yuqori bo‘ladi.

Masalan:
Agar 10 000 ta odam reklamangizni ko‘rgan bo‘lsa va CPM 0.05 € bo‘lsa, siz jami 0.5 € sarflaysiz.
CTR 2% bo‘lsa, demak 200 kishi reklamangizni bosgan.
Shunda CPC = 0.5 € / 200 = 0.0025 €
Ya’ni har bir bosish sizga atigi 0.0025 € (0.25 sent) ga tushadi.

6️⃣ CPA (Cost Per Action)

Bu — bitta kerakli harakat uchun to‘lov. Masalan, foydalanuvchi sizning reklamangizni ko‘rib, kanalga qo‘shilsa yoki botni ishga tushirsa — bu “action” (harakat) hisoblanadi. CPA sizga bir real natija qancha turishini ko‘rsatadi.

Masalan:
Agar reklamangizni 10 000 kishi ko‘rgan bo‘lsa va CPM 0.05 €, demak siz jami 0.5 € sarflaysiz.
CTR 2% bo‘lsa, 200 kishi reklamangizni bosgan bo‘ladi.
Endi ularning 40 tasi kanalga qo‘shilgan ya’ni konversiya qilgan.

Shunda CPA = 0.5 € / 40 = 0.0125 €
Ya’ni bitta real natija (kanalga qo‘shilish) sizga atigi 0.0125 € (ya’ni 1.25 sent) ga tushgan bo‘ladi.

Telegram Adsda reklama strukturasini qanday qurish kerak ❓

Ko‘pchilik reklama berishda xatoga yo‘l qo‘yadi, chunki jarayonga tizimli yondashmaydi. Aslida esa, reklama ham xuddi dars rejasi kabi — aniq bosqichlarga bo‘lingan bo‘lishi kerak. Ushbu postda kurs va ta’lim loyihalari uchun oddiy va samarali reklama strukturasini ko‘rib chiqamiz.

1️⃣ Maqsadni belgilash

Avval eng muhim savolni bering: reklama orqali nimaga erishmoqchisiz? Bu demo darsga odam jalb qilish, bepul webinar uchun registratsiya yig‘ish yoki bevosita kursni sotish bo‘lishi mumkin. Maqsad aniq bo‘lsa, keyingi bosqichlarni oson rejalashtirasiz.

2️⃣ Bepul taklif (lead magnet)

Foydalanuvchilar darhol sotib olishga tayyor emas. Ularni jalb qilish uchun kichik sovg‘a kerak. Masalan: 1ta bepul dars, qisqa cheat-sheet yoki mini-kurs. Shu orqali siz ularga qiymat berasiz va ishonchini qozonasiz.

3️⃣ Platforma — landing yoki bot

Foydalanuvchilarni qayerga olib borasiz? Telegram kanal, shaxsiy chat yoki Telegram bot. Botda jarayon shunday ishlashi mumkin: foydalanuvchi ismini kiritadi → telefon/email qoldiradi → bepul darsni oladi yoki vebinarga yoziladi → keyin esa kurs taklifi yuboriladi. Hammasi soddalashtirilgan va tezkor.

4️⃣ Reklama matni va vizuallar

Reklamangiz o'ta uzun emas, ammo kuchli bo‘lishi kerak. Avval hook (qiziqtiruvchi gap), keyin foyda (kurs nimani beradi), oxirida CTA (bosish uchun chaqiriq). Vizual sifatli bo‘lsin: darsdan lavha, qisqa video preview yoki oddiy, lekin aniq banner.

5️⃣ Auditoriyani tanlash

Kursingiz kimga kerak? Mavzu, kanal yoki hudud bo‘yicha aniqroq segment tanlang. Masalan, “biznes va marketing” mavzusidagi kanallar, Toshkent shahridagi auditoriya yoki ingliz tili o‘rganuvchilar.

6️⃣ Test va tahlil

Hech qachon faqat bitta reklama variantiga yopishib olmang. 2–3 xil matn, rasm yoki targeting variantini sinab ko‘ring. Keyin natijalarni solishtirib, eng samaralisiga ko'proq e'tibor bering.

7️⃣ Monitoring va optimizatsiya

Reklamangizni faqat ko‘rishlar soni bo‘yicha emas, balki real natijalar orqali baholang: CTR, bir lead uchun narx (CPL), konversiya darajasi va qaytgan foyda (ROI). 3–5 kun ichida eng yaxshi ishlagan variantni kengaytiring, qolganini to‘xtating.

🚀 Telegramda zapusk: Telegram Ads ning ta'lim va kurslar sotuvi uchun afzalliklari

Agar siz kurs tashkilotchisi, onlayn treyner yoki taʼlim kompaniyasi boʻlsangiz — Telegram Ads siz uchun ideal target 🎯platformalaridan biridir. Ushbu postda sotuvni ko'tarish uchun Telegram Ads ning xususiyatlari va Telegramning trafikni boshqarish va sotuvni tezlashtirish uchun foydalarini ko'rib chiqamiz.


😎 Nega aynan Telegram Ads kurslar sotuvi uchun yaxshi tanlov ?

1️⃣Toʻgʻri auditoriyaga yetkazish imkoniyati👫

Telegram Ads sizga o'zingizga kerak bo'lgan auditoriyani qiziqishlari, hududi va tiliga qarab saralab olishingiz va o'z reklamangizni ma'lum kanallar obunachilariga ham ko'rsatishingiz mumkin. Bu sizga maqsadli auditoriyani oson topishingizga va reklamangizni hattoki o'z raqobatchilaringiz obunachilariga ham ko'rsatish imkonini beradi.

2️⃣ Reklama imkoniyatlari va trafikni boshqarish 🚦

Siz faqatgina kanalni emas, balki kanalingizdagi aniq postni ham reklama qilishingiz mumkin. Bu esa foydalanuvchini to‘g‘ridan-to‘g‘ri kursga oid ma'lumot yoki bepul demo bilan tanishtirish uchun yozligan postni ko'rish imkonini beradi. Undan tashqari, siz trafikni hohlsangiz kanal, bot, to'g'ridan to'g'ri shaxsiy chatga, yoki boshqa landing sahifasiga olib o'tsangiz bo'ladi. Bu esa sizga trafikni to'g'ri va samarali boshqarishda katta yordam beradi. Kurs sotuvida Telegram Ads dan foydalanishning asosiy afzalliklaridan biri ham shu. Siz boshqa platformada reklama qilsangiz ham baribir oxirida trafikni Telegramdagi guruh yoki maxsus kanalga olib o'tasiz. Telegram Ads bilan esa bu ishni to'g'ridan to'g'ri amalga oshirasiz va bu konversiyani oshirishga katta yordam beradi.

3️⃣ Reklama narxlari va raqobat 💰

Telegram Ads nisbatan yangi va o‘sib borayotgan platforma, shuning uchun raqobat va narxlar boshqa platformalarga qaraganda ancha pastroq - CPM(cost per mille) 💶0.02 dan boshlanadi va ko'plab bizneslar hali Telegram Ads dan foydalanishni boshlamadi. Bu esa kichikroq byudjet bilan ham o'zingiz hohlagan sotuvni amalga oshirish imkonini beradi.

4️⃣ Sotuvni to'liq avtomatlashtirish 🤖

Tekin vebinar yoki bepul dars orqali kursni taqdimotini qilgach, siz o'z obunachilaringizga kursingizni sotish uchun botdan foydalanib, sotuv jarayoni avtomatlashtiringiz va tezlashtiringiz mumkin. Agar admin orqali kurs sotilsa, hammaga yozganlarga javob berishingiz va to'lov qilganlarni bittalab saralab olishingiz katta vaqt talab qiladi. Pastda shu bo'yicha bosqichma-bosqich qo'llanma beraman.

Trafikni botga yo'naltirish → Bot orqali roʻyxatdan oʻtkazish → Bepul dars, demoni qo'lga kiritish yoki tekin vebinarga yozilish → Toʻlov (bot yoki tashqi landing) → Kursni ma'lum sanadan boshlash — bularning barchasi Telegram ichida amalga oshirilishi mumkin. Bu esa sizga katta vaqt tejab qolishda yordam beradi.


Sizga ham kurslar sotuvi bo'yicha professional targeting xizmati kerak bo'lsa, hoziroq biz bilan bog'laning 👉 @okhabibullaev


Keyingi postda ta'lim va kurslar uchun reklama strukturasini qanday qurish haqida bosqichma-bosqich qo'llanma yozaman

🚀 Telegram Ads uchun eng foydali 4 ta bepul vosita

Telegram Ads kampaniyalarini samarali yuritish uchun qo‘shimcha vositalar va har xil instrumentlar ishlatish katta yordam beradi. Ba’zan bitta extension yoki sayt sizning 3–4 soat vaqtingizni tejaydi, kampaniyalaringizni professional darajada boshqarishga yordam beradi.

Ushbu postda, men o'zim ishlatadigan 4ta bepul yordamchim haqida ma'lumot beraman

1️⃣ Telemetr.io (Chrome extension)

Bu sayt — Telegram kanallarni topish va tahlil qilishda №1 platforma.

Kanallarning obunachilar o‘sishini vaqt bo‘yicha ko‘rsatadi. Botlar ko‘p bo‘lsa, grafikda aniq bilinadi. Kanaldagi postlar ko'rishlar soni va reaksiyalarga qarab, haqiqiy faol auditoriyaga ega kanallarni ajratib olishingiz mumkin va bu sizga reklamadan kutilgan natija olish imkonini oshiradi. Filtrlar orqali faqat kerakli mamlakat, til yoki kategoriya bo‘yicha kanallarni qidira olasiz va o'zingizga kerakli bo'lgan auditoriyanni tezroq va osonroq topasiz.

Ushbu extension orqali kanallarni faqatgina obunachilari soniga qarab emas, balki raqam va statistikaga asoslanib tanlaysiz

2️⃣ TG Ads Assistant (Chrome extension)

Bu extension yangi kampaniya yaratishda vaqtni tejaydigan eng zo'r qurol.

Reklamangiz chiqishi hohlagan kanallaringizni bittalab qo'shib chiqasizmi😫? Endi bu og'riq haqida unutsangiz bo'ladi. Chunki bu extension orqali siz hohlagancha kanalni bitta tugmani bosish orqali qo'shasiz. Ushbu extensionni Chrome ga qo'shing, reklama uchun kanallarni kirityotganda, hammasini linkini joylang va birdaniga qo'shing yoki kanallar listini CSV/Excel fayldan import qilsangiz ham bo'ladi. Bu sizning qimmatli vaqtingizni tejab qoladi⏳. Kiritilgan linklar noto‘g‘ri bo‘lsa, xato tekshirish funksiyasi bor🛡.


Turli kampaniyalarga kanallarni avtomatik bo‘lib joylashtirish. Ya'ni agar siz bitta reklama uchun 30ta kanal tanlasangiz, bu extension orqali kanallarni hohlaganingcha taqsimlashingiz mumkin( misol uchun 3ga bo'lsangiz, 1ta reklama 10ta dan alohida kanallarda yuradi) va bu A/B testing uchun juda zo'r hamda siz qaysi kanallar aslida eng foydali ekanini bilib olasiz.

Bu extension bilan qo‘lbola copy-paste qilishdan qutulasiz, xatolik kamayadi va kampaniyalarni tezroq ishga tushirasiz.

3️⃣ Ad Posts Search (Telemetr ichida)

Ushbu funksiya yordamida siz raqobatchilaringiz reklamasini ko'rishingiz mumkin. Ular qaysi kanallarda reklama yoqyapti, qanday CTA dan foydalanmoqda, reklamalar ko'rishlar sonini bilishingiz va reklama formatini ko'rib tahlil qilishingiz mumkin. Faqat raqobatchilardan o'g'irlamang chunki ular uchun ishlagan kampaniya, siz uchun ishlamasligi mumkin. ( Idea olsangiz bo'ladi 😉)


Bu funksiya orqali siz qaysi kreativlar ishlayotganini tezroq bilib olasiz va o‘zingiz uchun yangi g‘oyalar yaratasiz.

4️⃣ @meridians_channels_bot

Siz reklamangiz uchun kerakli kanalni topdingiz, lekin shunga o'xshash ko'proq kanal kerakmi? Unda ushbu botdan foydalaning. Siz o'zingiz tanlagan kanal yoki botni linkini jo'natasiz va bu bot huddi shu kanal/botlarga o'xshagan boshqalarini topib, sizga ularni Excel formatda nomi, username va nechta obunachisi borligi haqidagi hamma ma'lumotni beradi. Ushbu bot orqali siz o'zingizga kerak bo'lgan auditoriyani topishingiz hamda ancha vaqtingizni tejab qolishingiz mumkin.



Yangi reklama kampaniyasini yaratganda, tepadagi instrumentlardan foydalanib, vaqtizni tejang, reklama sifatini yaxshilang va o'zingiz hohlagan natijaga erishing.

O'zingiz ishlatadigan foydali instrumentlarni komentda yozib qoldiring